தமிழ் வாழை-ஐ பாத்தாச்சு.. மலையாள ‘வாழ’ பார்க்கலாமா? வெற்றியின் 2ம் பாகம் அறிவிப்பு.!

by கெளதம்Posted on August 29, 2024

சென்னை : தமிழ் சினிமாவில் வெளியான ‘வாழை’ திரைப்படம் கண்ணீர் வரவைத்தது என்றால், மலையாளத்தில் வெளியான ‘வாழ’ சிரிப்பை வர வைக்குமாம்.

தமிழ் சினிமாவில் ஒரு படம் வெளியாகி வெற்றி பெற்றது என்றால், அந்த படத்தின் இரண்டாம் பாகத்தை எடுப்பதை வழக்கமாக வைத்துள்ளனர். அந்த வகையில், திரையுலையில் ஒரே பெயர் கொண்ட படங்கள் அடுத்தடுத்த வெளியாவது ஆச்சரியமாக தான் இருக்கிறது. அது ஒரே மொழியே சேர்ந்த படங்கள் இல்லை என்றாலும், வேறொரு மொழிகளில் வெளியாகி இருக்கிறது.

அதன்படி, ரஜினிகாந்த் நடிப்பில் வெளியான ‘ஜெயிலர்’ திரைப்படம் போன்று மலையாளத்திலும் அதே பெயரில் ஒரு படம் வெளியானது. அதேபோல், ஒரு நிகழ்வு தற்பொழுது நடந்துள்ளது. அட ஆமாங்க… இயக்குனர் மாரி செல்வராஜ் இயக்கத்தில் உருவான திரைப்படம் ‘வாழை’. இந்த திரைப்படம் சமீபத்தில் வெளியாகி ரசிகர்கள் மத்தியில் பெரும் வரவேற்பு பெற்றது.

இயக்குனர்கள் முதல் பலரும் இதற்கு வாழ்த்தும் வரவேற்பும் தெரிவித்தனர், தண்ணீரும் விட்டனர். அந்த அளவிற்கு படத்தின் மையக்கரு அமைந்திருந்தது. இந்த வேலையில் மலையாளத்தில் ‘வாழ’ என்கிற பெயரில் ஆகஸ்ட் 15ஆம் தேதி இந்த திரைப்படம் வெளியாகி இருக்கிறது.

அந்த திரைப்படம் மலையாளத்தில் சக்க போடு போட்டிருக்கிறது. இந்த படம் வெளியான பின்பு தான் ‘வாழை’ திரைப்படம் ஆகஸ்ட் 23ம் தேதி தமிழில் வெளியாகியிருக்கிறது. இந்த திரைப்படம் ஒரே பெயரில் இல்லை என்றாலும், ‘வாழ’ மற்றும் ‘வாழை’ என்று தலைப்பு வைக்கப்பட்டு இருக்கிறது. ஆனால், இரண்டு திரைப்படமும் மாபெரும் வரவேற்பு பெற்று இருக்கிறது.

வாழ திரைப்படம்

கௌதமண்டே ரதம் என்கிற படத்தின் மூலம் மலையாளத் திரையுலகில் அறிமுகமான இயக்குனர் ஆனந்த் மேனன் இயக்கிய படம் “வாழா-பயோபிக் ஆஃப் எ பில்லியன் பாய்ஸ்”. இப்படத்தில் ஜியோமோன் ஜோதிர், சாஃப் போய், ஹஷிரீ, அனுராஜ் மற்றும் அமித் மோகன் ராஜேஸ்வரி ஆகியோர் முக்கிய வேடங்களில் நடித்துள்ளனர்.

ஆகஸ்ட் 15 அன்று வெளியான வாழா படம், கேரளாவில் பல திரையரங்குகளில் கூடுதல் காட்சிகளை பெற்று பாக்ஸ் ஆபிஸை புரட்டிப் போட்டது. இந்த நகைச்சுவை திரைப்படத்தின் அமோக வெற்றியை தெடர்ந்து படத்தின் தயாரிப்பாளர் விபின் தாஸ், வாழா 2 படத்தின் தொடர்ச்சியை அறிவித்துள்ளார்.

வாழ – 2

‘வாழா’ படத்தின் தொடர்ச்சியை அறிமுக இயக்குனர் சுவின் எஸ்.ஏ இயக்குகிறார். இதனை விபின் தாஸ், ஹாரிஸ் டெசோம், பிபி அனிஷ், ஆதர்ஷ் நாராயண் மற்றும் ஐகான் சினிமாஸ் ஆகியோர் இணைந்து தயாரிக்கிறார்கள். அகில் லைலாசுரன் ஒளிப்பதிவு செய்கிறார்.

இதன் தொடர்ச்சியில் ஹாஷிர், ஆலன், அஜின், விநாயக் ஆகியோர் நடிக்கவுள்ளனர். முதல் பாகத்திற்கு வசனம் எழுதிய விபின் தாஸ் தான் ‘வாழா 2’ படத்திற்கும் எழுதவுள்ளார்.