தமிழக – கேரள எல்லையில் வெளியான லியோ திரைப்படம்..!

இயக்குனர் லோகேஷ் கனகராஜ் இயக்கத்தில் விஜய் நடித்துள்ள ‘லியோ’ திரைப்படம் இன்று வெளியாகியுள்ளது. இந்த திரைப்படத்தை காண ரசிகர்கள் பெரும் ஆவலில் உள்ளனர். லியோ திரைப்படம் வெளியானதை ரசிகர்கள் மிகவும் உற்சாகத்துடன் கொண்டாடி வருகின்றனர்.

இந்த நிலையில், ரசிகர்களின் பெரும் எதிர்பார்ப்புக்கு மத்தியில், நடிகர் விஜய்யின் ‘லியோ’ திரைப்படம் கேரளாவில் அதிகாலை 4 மணிக்கு வெளியானது. தமிழ்நாடு – கேரளா எல்லைப் பகுதிகளில் உள்ள ஒரு சில திரையரங்குகளில் லியோ திரைப்படம் தமிழில் வெளியாகி உள்ள நிலையில் ரசிகர்கள் ஆவலுடன் கண்டு ரசித்து வருகின்றனர்.

தமிழ்நாட்டில் லியோ படத்தின் 4 மணி காட்சிக்கு அனுமதி கிடையாது என்று சென்னை உயர்நீதிமன்றம் உத்தரவிட்டது. இதற்கு அடுத்த படியாக 7 மணி காட்சிகளுக்கும் அனுமதி கேட்டு படக்குழு முயற்சி செய்த நிலையில், அதுவும் தோல்வியானது 7 மணி காட்சிகளுக்கும் அனுமதி வழங்கப்படவில்லை.

இந்த நிலையில், இந்த படத்தின் இயக்குனர் லோகேஷ் கனகராஜ் அவர்கள், LEO படத்தை ரசிகர்கள் அதிக விலை கொடுத்து பிளாக்கில் டிக்கெட் வாங்கி பார்க்க வேண்டாம் என்றும்,  நமது தினசரி வேலைகளுக்கு நடுவே, பொழுதுபோக்கிற்காக பார்க்கும் படத்திற்கு அவ்வளவு செலவு, முக்கியத்துவம் கொடுக்க வேண்டும் என்ற அவசியம் கிடையாது டிக்கெட் கிடைக்கவில்லை என்றால் பொறுமையாக காத்திருந்து அடுத்தடுத்த காட்சிகளில் முயற்சி செய்து படம் பார்க்கலாம் என்றும் அறிவுரை வழங்கியுள்ளது குறிப்பிடத்தக்கது.