கோட் படத்தில் சிவகார்த்திகேயன் இருக்காரா? வெங்கட் பிரபு கொடுத்த நச் பதில்!

கோட் படத்தின் மீதுள்ள எதிர்பார்ப்பு நாளுக்கு நாள் அதிகரித்துக்கொண்டே இருக்கும் நிலையில், படத்தில் பல சர்ப்ரைஸான விஷயங்கள் இருப்பதாக இயக்குனர் வெங்கட் பிரபு தெரிவித்து வருகிறார். படத்தில் நடித்த பிரபலங்கள் என்னென்ன கதாபாத்திரங்களில் நடித்துள்ளனர் என்ற விவரம் கூட வெளியிடாமல் மக்கள் பார்க்கவேண்டும் என சீக்ரெட்டாக வெங்கட் பிரபு வைத்து இருக்கிறார்.

ஏற்கனவே, கோட் படத்தில் பல பிரபலங்கள் நடிக்கிறார்கள் என்ற அறிவிப்பு வெளியான நிலையில், இன்னுமே சில பிரபலங்கள் கேமியோ கதாபாத்திரத்திலும் நடித்துள்ளதாகவும், அதனையும் படத்தில், சஸ்பென்சாக வைத்திருப்பதாகவும் கூறப்படுகிறது. குறிப்பாக, தோனி, த்ரிஷா, சிவகார்த்திகேயன் ஆகியோர் கேமியோ கதாபாத்திரத்தில் நடித்துள்ளதாகவும் தகவல்கள் வெளியானது.

இந்த நிலையில், படத்தின் ப்ரோமோஷனுக்காக யூடியூப் சேனல்களுக்கு பேட்டி கொடுத்து வரும் வெங்கட் பிரபு சமீபத்தில் கொடுத்த பேட்டி ஒன்றில் சிவகார்த்திகேயன் படத்தில் இருக்கார் இல்லை என ரசிகர்களை குழப்பும் வகையில் பேசியுள்ளார். பேட்டியில் அவரிடம் தொகுப்பாளர் சிவகார்த்திகேயன் படத்தில் இருக்காரா? என கேட்டார்.

அந்த கேள்விக்கு தன்னுடைய பாணியில் பதில் அளித்த இயக்குனர் வெங்கட் பிரபு “இருக்கலாம்..இல்லாமலும் இருக்கலாம்” என பதில் அளித்தார். இவர் கூறிய பதிலை பார்த்த ரசிகர்கள் அவர் படத்தில் இல்லை என்றால் இல்லை என்றே சொல்லிருக்கலாமே ஒரு வேலை சிவகார்த்திகேயன் நடித்துள்ளது உண்மைதானோ என யோசிக்க தொடங்கிவிட்டனர்.

வெங்கட் பிரபு சூசகமாக தெரிவித்துள்ளதை பார்த்தால் கண்டிப்பாக, சிவகார்த்திகேயனும் படத்தில் இருக்க வாய்ப்புகள் உள்ளதாக தெரிகிறது. கண்டிப்பாக, கோட் படத்திலும் சிவகார்த்திகேயன் நடித்தால் கண்டிப்பாக அவருடைய ரசிகர்களுக்கு விருந்தாக தான் இருக்கும். படத்தில் அவர் இருக்கிறாரா இல்லையா என்பதை பொறுத்திருந்து பார்ப்போம்.