இதையே செய்ய முடியாத நீங்க, மக்களுக்கு என்னத்த பண்ண போறீங்க? – இயக்குனர் சுரேஷ் காமாட்சி
அரசியலுக்கு வரவேண்டும் என அழைப்பு விடுக்கப்படும் சினிமா பிரபலங்கள்.
இன்று சினிமாவில் பிரபல நடிகர்களாக, நடிகைகளாக இருப்பவர்கள் தங்களுக்கு பெரிய ரசிகர்கள் பட்டாளத்தையே உருவாக்கி விடுகின்றனர். ஆனால், ஒரு சில காலங்களுக்கு பின், சில சினிமா பிரபலங்கள் அரசியலில் அடியெடுத்து வைத்துள்ளனர். மேலும் சிலர் ரசிகர்களால், அரசியலுக்கு வர வேண்டும் என அழைக்கப்படுகின்றனர்.
இந்நிலையில், இதுகுறித்து பிரபல இயக்குனர் சுரேஷ் காமாட்சி தனது ட்வீட்டர் பக்கத்தில் ஒரு பதிவினை பதிவிட்டுள்ளார். அந்த பதிவில், ‘சினிமாவிற்கு நடிக்க வருகிறார்கள். சினிமா அவர்களை வாழ வைக்கிறது. ஆனால் ஒரு கட்டத்திற்குப் பிறகு மக்களைக் காக்கப் போகிறோம் எனப் புறப்பட்டுவிடுகிறார்கள். முதலில் உங்களை வாழவைத்த சினிமாவிற்கு ஏதாவது நல்லது பண்ணுங்க. அதையே செய்ய முடியாத நீங்கள்லாம், மக்களுக்கு என்னத்த பண்ண போறீங்க?’ என கேள்வி எழுப்பியுள்ளார்.
