மிரட்டும் சூரி நடிப்பு…’கருடன்’ படத்தின் டிரைலர் இதோ!

சென்னை : சூரி நடிப்பில் உருவாகியுள்ள கருடன் படத்தின் டிரைலர் தற்போது வெளியாகியுள்ளது.

இயக்குனர் துரைசெந்தில் குமார் இயக்கத்தில் நடிகர் சூரி நடித்துள்ள திரைப்படம் கருடன். இந்த திரைப்படத்தில் சசிகுமார், உன்னி முகுந்தன் ரேவதி சர்மா, ஷிவதா, ரோஷினி ஹரிபிரியன், சமுத்திரக்கனி, மைம் கோபி, ஆர்.வி.உதயகுமார், வடிவுக்கரசி, துஷ்யந்த், மொட்டை ராஜேந்திரன், பிரகிதா உள்ளிட்ட பலரும் முக்கியமான கதாபாத்திரங்களில் நடித்து உள்ளார்கள்.

இந்த திரைப்படத்தினை பிரபல தயாரிப்பு நிறுவனமான லார்க் ஸ்டுடியோஸ் நிறுவனம் தயாரித்துள்ளது. இந்த படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். இந்த படத்தில் இருந்து வெளியான முதல் பாடல் கூட ரசிகர்களுக்கு மத்தியில் நல்ல வரவேற்பை பெற்று படத்தின் மீது இருக்கும் எதிர்பார்ப்பை அதிகமாக்கி இருந்தது.

இதனையடுத்து, படத்திற்கான டிரைலர் இன்று வெளியிடபட்டுள்ளது. ட்ரைலரில் வரும் காட்சிகள் எல்லாம் மிகவும் அருமையாக இருக்கிறது. அதைப்போல சூரியின் நடிப்பு மற்றும் இசையமைப்பாளர் யுவன் சங்கர் ராஜாவின் பின்னணி இசை அருமையாக இருப்பதால் படத்தின் மீது இருக்கும் எதிர்பார்ப்பு அதிகமாகி இருக்கிறது.

இந்த டிரைலரை பார்த்துவிட்டு பலரும் கண்டிப்பாக சூரிக்கு மிகப்பெரிய பிளாக் பஸ்டர் படமாக அமையும், படத்தின் கதை வேற லெவலில் இருக்கும் போல எனவும் கூறி வருகிறார்கள். இந்த திரைப்படம் வரும் மே 31-ஆம் தேதி திரையரங்குகளில் வெளியாகும் எனவும் ட்ரைலர் மூலம் படக்குழு அறிவித்துள்ளது.