கொண்டாட்டத்தில் ரசிகர்கள்..! தமிழகத்தில் வெளியானது தளபதி விஜயின் ‘லியோ’..!

இயக்குனர் லோகேஷ் கனகராஜ் இயக்கத்தில் விஜய் நடித்துள்ள ‘லியோ’ திரைப்படம் இன்று வெளியாகியுள்ளது. இந்த திரைப்படத்தை காண ரசிகர்கள் பெரும் ஆவலில் இருந்த நிலையில், லியோ திரைப்படம் வெளியாவதை ரசிகர்கள் மிகவும் உற்சாகத்துடன் கடந்த ஒருவாரமாகவே கொண்டாடி வருகின்றனர்.

ரசிகர்களின் பெரும் எதிர்பார்ப்புக்கு மத்தியில், நடிகர் விஜய்யின் ‘லியோ’ திரைப்படம் கேரளாவில் அதிகாலை 4 மணிக்கு வெளியானது. தமிழ்நாடு – கேரளா எல்லைப் பகுதிகளில் உள்ள ஒரு சில திரையரங்குகளில் லியோ திரைப்படம் தமிழில் வெளியாகி உள்ள நிலையில் ரசிகர்கள் ஆவலுடன் கண்டு ரசித்து வருகின்றனர்.

தமிழக – கேரள எல்லையில் வெளியான லியோ திரைப்படம்..!

தமிழகத்தில், லியோ படத்தின் 4 மணி காட்சிக்கு அனுமதி கிடையாது என்று சென்னை உயர்நீதிமன்றம் உத்தரவிட்ட நிலையில், 7 மணி காட்சிகளுக்கும் அனுமதி கேட்டு படக்குழு முயற்சி செய்தது. ஆனால், 7 மணி காட்சிகளுக்கும் அனுமதி வழங்கப்படவில்லை.

இந்த நிலையில், தற்போது தமிழகத்தில் 9 மணியளவில் லியோ திரைப்படம் வெளியாகியுள்ளது. திரைப்படம் வெளியாவதற்கு முன்னதாகவே ரசிகர்கள் திரையரங்குகளுக்கு வெளியே மேளதாளங்கள் முழங்க, பட்டாசு வெடித்து கொண்டாட்டத்தில் ஈடுபட்டுள்ளனர்.