ரசிகர்களை சிரிப்பலையில் மகிழ்விக்க போகிறது பீஸ்ட்.! பூஜா ஹெக்டே வெளியிட்ட சூப்பர் வீடியோ.!

இன்றுடன் பீஸ்ட் ஹீரோயின் பூஜா ஹெக்டே படக்காட்சிகள் பட ஷூட்டிங் நிறைவு பெறுகின்றன. அதனால், அவர் பேசிய வீடியோ ஒன்றை சன் பிக்ச்சர்ஸ் வெளியிட்டுள்ளது.

தளபதி விஜய் தற்போது பீஸ்ட் பட ஷூட்டிங்கில் பிசியாக இருக்கிறார். கோலமாவு கோகிலா, டாக்டர் என சிரிப்பலையில் ரசிகர்களை கிறங்கடித்த நெல்சன் இந்த படத்தை இயக்கி வருகிறார். இதுவும், அதே போல, ஆக்சன், டார்க் காமெடி திரைப்படமாக உருவாகி வருவதாக கூறப்படுகிறது. சன் பிக்ச்சர்ஸ் இந்த படத்தை தயாரித்து வருகிறது.

இந்த படத்தில் பூஜா ஹெக்டே ஹீரோயினாக நடித்து வருகிறார். இன்றுடன் அவரது காட்சிகள் முழுவதும் படமாக்கி முடிக்கப்பட உள்ளன. இன்றுதான் அவரின் கடைசி பீஸ்ட் ஷூட்டிங் நாள் என்பதால், அவர் பேசிய வீடியோ ஒன்றை சன் பிக்ச்சர்ஸ் வெளியிட்டுள்ளது.

அதில் பேசிய பூஜா, ‘பீஸ்ட் படத்தில் பணியாற்றியது எனக்கு மிகவும் மகிழ்ச்சியளிக்கிறது. படப்பிடிப்பு மிகவும் கலகலப்பாக இருக்கும். படம் பார்க்கும் போது நீங்களும் நன்றாக சிரித்து மகிழ்வீர்கள். நெல்சன், விஜய் இருவரும் இணைந்து நல்ல பொழுதுபோக்கு திரைப்படத்தை கொடுக்க இருக்கிறார்கள். பணியாற்றிய அனைவரும் நல்ல மனிதர்கள். இந்த ஷூட்டிங் நாட்கள். விடுமுறை நாட்கள் போல எனக்கு இருந்தது. எனது பகுதியின் ஷூட்டிங் மட்டும் நிறைவு பெற்றுவிட்டது. எனக்கு வருத்தமாக இருக்கிறது.’ என கூறியுள்ளார்.

It’s a wrap for @hegdepooja! Hear what she has to say about shooting for #Beast with #Thalapathy @actorvijay and director @Nelsondilpkumar pic.twitter.com/hz2mBhp7Do

— Sun Pictures (@sunpictures) December 10, 2021