விக்ரம் படத்தில் நான் நடிப்பதற்கான பேச்சு வார்த்தை நடந்து வருகிறது என்று நடிகர் விஜய் சேதுபதி கூறியுள்ளதாக தகவல்.
தமிழ் சினிமாவில் மாநகரம் , கைதி, மாஸ்டர் என மூன்று வெற்றி படங்களை கொடுத்த இயக்குனர் லோகேஷ் கனகராஜ் அடுத்ததாக நடிகர் கமல் ஹாசனை வைத்து விக்ரம் எனும் திரைப்படத்தை இயக்கி வருகிறார் . ராஜ் கமல் நிறுவனம் தயாரிக்கும் இந்த படத்திற்கு இசையமைப்பாளர் அனிருத் இசையமைத்து வருகிறார். படத்திற்கான படப்பிடிப்பு மிகவும் விறுவிறுப்பாக நடைபெற்று வருகிறது.
இந்த திரைப்படத்திற்கான படப்பிடிப்பு விரைவில் முடித்துவிட்டு படத்தை தீபாவளி அன்று வெளியீட படக்குழுவினர் திட்டமிட்டுள்ளதாக கூறப்படுகிறது. இந்த நிலையில் இந்த திரைப்படத்தில் நடிகர் கமலுக்கு வில்லனாக நடிகர் விஜய் சேதுபதி நடிக்கவுள்ளதாக தகவல்கள் பரவி வந்தது.
இதனை தொடர்ந்து இதற்கு நடிகர் விஜய் சேதுபதி சமீபத்தில் அளித்துள்ள பேட்டி ஒன்றில் விளக்கம் அளித்துள்ளார். இது குறித்து அவர் கூறுகையில், “விக்ரம் படத்தில் வில்லனாக நடிக்க என்ன அணுகினார்கள். ஆனால் நான் நடிப்பது உறுதியாகவில்லை. அதற்கான பேச்சு வார்த்தைகள் நடந்து வருகிறது. நான் நடிப்பது உறுதியானால் அதற்கான அதிகாரப்பூர்வ அறிவிப்பு வெளியாகும்” என்றும் கூறியுள்ளார்.