அனிருத் இசையா இது ? வெளியானது இந்தியன் 2 முதல் பாடல்.!

சென்னை: இந்தியன்-2 படத்தின் முதல் பாடல் இப்போது வெளியாகியுள்ளது.

இயக்குனர் ஷங்கர் இயக்கத்தில் கமல்ஹாசன் நடிப்பில் உருவாகியுள்ள “இந்தியன் 2” படத்தின் முதல் பாடலான ‘பாரா’ பாடலை படக்குழு வெளியிட்டது. இசையமைப்பாளர் அனிருத் இசையமைத்துள்ள இந்தப் பாடலை, ஸ்ருதிகா சமுத்திரலாவுடன் இணைந்து பாடியுள்ளார்.

தமிழ் உட்பட 3 மொழிகளில் வெளியான இந்த முதல் பாடலுக்கு ரசிகர்களிடம் வரவேற்பு கிடைத்துள்ளது. இப்படம் தற்போதைய காலகட்டத்தை மையமாக வைத்து எடுக்கப்பட்டிருந்தாலும், தேசபக்தியை வெளிப்படுத்தும் வகையில், இந்த பாடலின் வரிகள் அமைந்துள்ளது.

இந்த படத்தில் காஜல் அகர்வால், எஸ்.ஜே. சூர்யா, சித்தார்த், பிரியா பவானி சங்கர், ரகுல் ப்ரீத் சிங், பாபி சிம்ஹா, நெடுமுடி வேணு, விவேக், காளிதாஸ் ஜெயராம், குல்ஷன் குரோவர் மற்றும் சமுத்திரக்கனி உள்ளிட்ட பலர் நடித்துள்ளனர். இந்த திரைப்படம் ஜூலை 12 ஆம் தேதி திரையரங்குகளில் வர உள்ளது.

அனிருத் இசையா இது?

வழக்கமாக இளைஞர்களையும் குழந்தைகளையும் குத்தாட்டம் போட வகையில் பாடல்களில் இசையமைக்கும் ராக்ஸ்டார் அனிருத், இந்த முறை தனது வித்தியாசமான முறையில் இந்த பாடலுக்கு இசையமைத்துள்ளார். இதனை கேட்ட பலரும் இது அனிருத் இசையா? என்று வியப்பில் ஆழ்ந்தனர். முதல் பாகத்திற்கு ஏ ஆர் ரகுமான் இசையமைத்திருந்தார், அதற்கு ஈடு கொடுக்கும் வகையில் இந்த பாடலுக்கு எபெக்ட் போட்டு இருக்கிறார் போல் தெரிகிறது.