ஓடிடிக்கு வருகிறார் அமரன்! எப்போது பார்க்கலாம்?

சென்னை : இராணுவ அதிகாரி மேஜர் முகுந்த் வரதராஜன் வாழ்க்கை வரலாற்றை மையமாக வைத்து எடுக்கப்பட்ட அமரன் திரைப்படம் தீபாவளி பண்டிகையை முன்னிட்டு வெளியாகி மக்களை எமோஷனலில் உருக வைத்தது என்றே சொல்லலாம். படம் வெளியாகி 3 வாரங்களை கடந்தும் இன்னும் பல திரையரங்குகளில் வெற்றிகரமாக ஓடிக்கொண்டு இருக்கிறது.

மொத்தமாக படம் உலகம் முழுவதும் இதுவரை 300 கோடிகளுக்கு மேல் வசூல் வசூல் செய்துள்ளது. அது மட்டுமன்றி, இந்த ஆண்டு வெளியான பெரிய நடிகர்களின் படங்களான வேட்டையன், கோட் ஆகிய படங்களையும் டிக்கெட் விற்பனையில் அமரன் முந்தியுள்ளது. புக் மை ஷோவில் இந்த ஆண்டு அதிகம் டிக்கெட் விற்பனை ஆன படம் என்ற சாதனையை அமரன் படைத்துள்ளது.

இந்நிலையில், அமரன் படத்தை திரையரங்குகளில் பார்க்க முடியாமல் இருக்கும் பலரும் படம் எப்போது எந்த ஓடிடியில் வெளியாகும் என ஆவலுடன் காத்துள்ளனர். இதனையடுத்து, அவர்களுக்காக படம் எப்போது வெளியாகும் என்கிற தகவல் கிடைத்துள்ளது. அதன்படி, அமரன் படம் வரும் நவம்பர் 29-ஆம் தேதி நெட்ப்ளிக்ஸ் ஓடிடி தளத்தில் வெளியாகவுள்ளதாக தகவல்கள் வெளியாகியுள்ளது.

முன்னதாக, படம் வரும் டிசம்பர் 5 ஆம் தேதி தமிழ், தெலுங்கு, கன்னடம் மற்றும் மலையாளம் உள்ளிட்ட மொழிகளில் ஸ்ட்ரீமிங் செய்யப்படும் என தகவல்கள் வெளியாகி இருந்த நிலையில், தற்போது அதற்கு முன்னதாகவே படத்தை வெளியிட ஓடிடி நிறுவனம் திட்டமிட்டுள்ளதாக தகவல்கள் வெளியாகி இருக்கிறது.