விடாமுயற்சியை ஓரம் வைங்க! தலைப்புடன் மிரட்டலாக வந்தது ‘AK63’ அப்டேட்!

AK63 நடிகர் அஜித் குமார் தற்போது இயக்குனர் மகிழ்திருமேனி இயக்கத்தில் உருவாகி வரும் ‘விடாமுயற்சி’ திரைப்படத்தில் நடித்து வருகிறார். இந்த படத்திற்கான படப்பிடிப்பு ஒரு பக்கம் நடைபெற்றுக் கொண்டிருக்கிறது. சமீபத்தில் நடிகர் அஜித்குமார் சிகிச்சைக்காக மருத்துவமனையில் அனுமதிக்கப்பட்டு பிறகு வீடு திரும்பினார்.

READ MORE – தனுஷ் மட்டும் அதை பண்ணலனா ‘அனிருத் அவ்வளவுதான்’…ஐஸ்வர்யா ரஜினிகாந்த் ஓபன் டாக்!

சிகிச்சை பெற்று வீடு திரும்பிய அவர் தற்போது ஓய்வு எடுத்து வருவதால் அவர் இன்னும் விடாமுயற்சி படப்பிடிப்பில் கலந்து கொள்ளாமல் இருப்பதாகவும் கூறப்படுகிறது. ஆனாலும் மற்ற கலைஞர்களின் காட்சிகள் ஒரு பக்கம் படமாக்கப்பட்டும் வருகிறது. இது ஒரு புறம் இருக்க அஜித்தின் அடுத்த திரைப்படமான அதாவது AK63 திரைப்படத்திற்கான அப்டேட்டுகள் தற்போது வெளியாகி உள்ளது.

READ MORE – எம்மாடி திருமணம் மட்டுமே வேண்டவே வேண்டாம்! அலறும் நடிகை ஆண்ட்ரியா!

முன்னதாகவே அஜித்தின் 63வது திரைப்படத்தை பிரபல இயக்குனரான ஆதிக்ரவிச்சந்திரன் இயக்க உள்ளதாக தகவல்கள் வெளியாகியிருந்தது. அந்த தகவலை தற்போது உறுதி செய்யும் வகையில் தற்போது படத்திற்கான அதிகாரப்பூர்வ அறிவிப்பு வெளியாகி உள்ளது. அதன்படி படத்தை அன்பானவன் அடங்காதவன் அசராதவன், மார்க் ஆண்டனி ஆகிய படங்களை இயக்கிய ஆதிக்ரவிச்சந்திரன் இயக்குவதாகவும் படத்தை தயாரிப்பு நிறுவனமான மைத்திரி மூவி மேக்கர்ஸ் நிறுவனம் தயாரிக்க உள்ளதாகவும் அறிவிக்கப்பட்டுள்ளது.

read more- விஜயகாந்தை கோபப்படுத்திய ரவுடிகள்! படப்பிடிப்பில் நடந்த அதிர்ச்சி சம்பவம்?

அதைப்போல படத்திற்கு இசையமைப்பாளர் தேவி ஸ்ரீ பிரசாத் இசையமைக்கவுள்ளதாகவும் அறிவிக்கப்பட்டுள்ளது. அதோடு மட்டுமின்றி படத்திற்கு ‘குட் பேட் அக்லி ‘ (GoodBadUgly ) என்று தலைப்பு வைக்கப்பட்டுள்ளதாகவும் படம் அடுத்த ஆண்டு பொங்கல் பண்டிகையை முன்னிட்டு திரையரங்குகளில் வெளியாகும் எனவும் அறிவிப்பு வெளியாகி இருக்கிறது.

இன்னும் விடாமுயற்சி படத்தின் பர்ஸ்ட் லுக் போஸ்டர் கூட வெளியாகவில்லை. ஆனால் அதற்கு முன்னதாகவே ஏகே 63 படத்திற்கான தலைப்பு வெளியாகவுள்ளதால் ரசிகர்கள் மகிழ்ச்சியில் உள்ளனர். விரைவில் விடாமுயற்சி படத்திற்கான பர்ஸ்ட் லுக் போஸ்டர் குறித்து அறிவிப்பும் வெளியாகும் என்பதும் குறிப்பிடத்தக்கது.