விஜய் இடத்தை சிவகார்த்திகேயன் பிடிச்சிருவாரு! பிரபல தயாரிப்பாளர் பேச்சு!

சிவகார்த்திகேயன் : விஜய் சினிமாவை விட்டு விலகிய பின் அவருடைய இடத்தை சிவகார்த்திகேயன் பிடித்துவிடுவார் என தயாரிப்பாளர் மாணிக்கம் நாராயணன் கூறியுள்ளார்.

தமிழ் சினிமாவில் இப்போது பாக்ஸ் ஆபிஸ் கிங் ஆக இருப்பதில் நடிகர் விஜய்யும் ஒருத்தர் என்று கூறலாம். இவருடைய படங்கள் எல்லாம் எந்த அளவுக்கு வசூல் செய்கிறது என்பதனை பற்றி சொல்லி தான் தெரியவேண்டும் என்று கூட இல்லை. இருப்பினும் விஜய் அரசியல் கட்சியை தொடங்கி இருப்பதால் அவர் வரும் 2026-ஆம் ஆண்டு நடைபெற இருக்கும் சட்டமன்ற தேர்தலில் போட்டியிடவும் இருக்கிறார்.

எனவே, அரசியலில் களமிறங்கும் காரணத்தால் அவர் தனது 69-வது படத்தில் நடித்து முடித்த பிறகு சினிமாவை விட்டு விலகவும் இருக்கிறார். இதன் காரணமாக விஜயின் இடத்தை எந்த ஹீரோ பிடிக்க போகிறார் அவருக்கு அடுத்த படியாக யார் என்ற கேள்வி தான் சமூக வலைதளத்தில் எழுந்து கொண்டு இருக்கிறது.

இந்த சூழலில், பலரும் விஜய் இடத்தை சிவகார்த்திகேயன் தான் பிடிப்பார் என்று கூறிவருகிறார்கள். அந்த வகையில், வேட்டையாடு விளையாடு படத்தை தயாரித்த பிரபல தயாரிப்பாளரான மாணிக்கம் நாராயணன் சமீபத்திய பேட்டி ஒன்றில் கலந்துகொண்டபோது விஜயின் இடத்தை சிவகார்த்திகேயன் தான் பிடிப்பார் என வெளிப்படையாக பேசியுள்ளார்.

இது குறித்து பேசிய மாணிக்கம் நாராயணன் ” சிவகார்த்திகேயனின் இப்போது மார்க்கெட்டை பார்த்தால் விஜய்க்கு பிறகு அவருடைய இடத்தை அவர் பிடிக்க அதிக வாய்ப்பு இருக்கிறது என்று தான் நான் சொல்வேன். இதனை நான் வெளிப்படையாகவேசொல்வேன். இப்போது அவருடைய படங்களை பார்ப்பதில் வைத்து நான் இதனை சொல்கிறேன் ” எனவும் தயாரிப்பாளர் மாணிக்கம் நாராயணன்தெரிவித்துள்ளார் .