டிவீட்டரில் இந்திய அளவில் ட்ரெண்டிங் ஆனா "CHENNAI RAINS" ஹேஸ்டேக் !

சென்னையில் நீண்ட நாட்களுக்கு பின்னர்  இன்று மிதமான மழை பெய்தது. தாம்பரம், மீனம்பாக்கம், போரூர் உட்பட சென்னை நகரின் சுற்று வட்டாரப் பகுதியில் இன்று மாலை மழை பெய்தது. இன்று பெய்த மழையின் காரணமாக கடும் வெயில் மற்றும் குடிநீர் திண்டாட்டத்தில் இருந்த பொதுமக்கள் மிகுந்த மகிழ்ச்சி அடைந்துள்ளனர்.
வளிமண்டல மேல் அடுக்கு சுழற்சி காரணமாக வட மாவட்டங்கள் மற்றும் சென்னை சுற்று வட்டார பகுதிகளில் மழை பெய்யும் என்று வானிலை ஆய்வு மையம் தெரிவித்த நிலையில், 190 நாட்கள் கழித்து சென்னையில் மழை பெய்துள்ளது.
சென்னையில் பெய்த மழை குறித்த நெட்டிசன்களின் பதிவானது #Chennai Rains என்ற ஹேஸ்டேக் மூலம் இந்திய அளவில் ட்ரெண்டிங் ஆகியுள்ளது.