Vivo Y200 5G: இந்தியாவில் களமிறங்குகிறது விவோவின் புதிய 5ஜி ஸ்மார்ட்போன்.! எப்போது தெரியுமா.?

by செந்தில்குமார்Posted on October 16, 2023

விவோ நிறுவனம் அதன் விவோ Y100 (Vivo Y100) என்ற ஸ்மார்ட்போனை கடந்த பிப்ரவரி 16ம் தேதி அறிமுகப்படுத்தியது. அதே வரிசையில் தற்போது புதிய விவோ Y200 5ஜி (Vivo Y200 5G) ஸ்மார்ட்போனை இந்தியாவில் அறிமுகப்படுத்த நிறுவனம் தயாராகி வருகிறது. கடந்த அக்-9ம் தேதி இந்த ஸ்மார்ட்போனை அறிமுகம் குறித்த டீசர் ஒன்றை விவோ வெளியிட்டது.

அப்போது ஸ்மார்ட்போனின் சரியான அறிமுக தேதி தெரியவில்லை. ஆனால், தற்போது Y200 5ஜி ஆனது அடுத்த வாரம் இந்தியாவில் அறிமுகம் செய்யப்படும் என விவோ நிறுவனம் தெரிவித்துள்ளது. அதன்படி, அக்டோபர் 23ம் தேதி விவோ Y200 5ஜி ஸ்மார்ட்போன் ஆனது அறிமுகம் செய்யப்படவுள்ளது.

டிஸ்பிளே

இந்த விவோ Y200 ஸ்மார்ட்போன் ஆனது 2,400 x 1,080 பிக்சல்கள் ரெசல்யூஷன் மற்றும் 120 ஹெர்ட்ஸ் ரெஃப்ரெஷ் ரேட்டுடன் கூடிய 6.67 இன்ச் எஃப்எச்டி+ அமோலெட் டிஸ்பிளேவுடன் வரும் என்று எதிர்பார்க்கப்படுகிறது. இதற்கு முன்னதாக அறிமுகமான விவோ Y100 ஸ்மார்ட்போனில் 6.3 இன்ச் அளவுடைய டிஸ்பிளே உள்ளது. இதில் 120 ஹெர்ட்ஸ் ரெஃப்ரெஷ் ரேட்டுடன் மற்றும் இன்-டிஸ்ப்ளே பிங்கர் பிரிண்ட் சென்சார் இருக்கலாம்.

பிராசஸர்

விவோ Y200 ஸ்மார்ட்போனில் அட்ரினோ 619 ஜிபியு உடன் இணைக்கப்பட்ட குவால்காம் ஸ்னாப்டிராகன் 4 ஜென் 1 சிப்செட் பொருத்தபடலாம். இதே பிராசஸர் ரெட்மி நோட் 12 5ஜி மற்றும் ஐக்யூ Z6 லைட் 5ஜி ஸ்மார்ட்போனிலும் உள்ளது.

இது ஆண்ட்ராய்டு 13-ஐ அடிப்படையாகக் கொண்ட ஃபன்டச் ஓஎஸ் 13 மூலம் இயக்கப்படுகிறது. இந்த மொபைல் ஒரு 5ஜி மொபைல் ஆகும். இதற்கு முந்தைய மாடலான விவோ Y100 ஸ்மார்ட்போனில் மீடியாடெக் டைமன்சிட்டி 900 சிப்செட் உள்ளது.

கேமரா

இதில் பின்புறத்தில் ஆரா லைட்டுடன் கூடிய ஆப்டிகல் இமேஜ் ஸ்டெபிலைசேஷன் (OIS) அம்சம் கொண்ட 64 எம்பி மெயின் கேமரா மற்றும் 2 எம்பி டெப்த் சென்சார் கேமரா கொண்ட டபுள் ரியர் கேமரா அமைப்பு உள்ளது. செல்ஃபி மற்றும் வீடியோ அழைப்புக்காக 16 எம்பி கேமரா பொருத்தப்படலாம். இதில் டிஜிட்டல் ஜூம், ஆட்டோ ஃப்ளாஷ், ஃபேஸ் ஃபேஸ்டெக்ஷன் போன்ற புகைப்பட அம்சங்கள் இருக்கலாம்.

பேட்டரி மற்றும் ஸ்டோரேஜ்

190 கிராம் எடை கொண்ட இந்த ஸ்மார்ட்போனில் 4800 mAh திறன் கொண்ட லித்தியம்-அயன் பேட்டரி பொருத்தப்படலாம். இந்த பேட்டரியை சார்ஜ் செய்ய யுஎஸ்பி டைப்-சி போர்ட்டுடன் கூடிய 44 வாட்ஸ் ஃபாஸ்ட் சார்ஜிங் வசதி உள்ளது. இதன் ஆரம்ப மாடல் ஆனது 8 ஜிபி ரேம் + 128 ஜிபி இன்டெர்னல் ஸ்டோரேஜுடன் வரலாம்.

விலை

டெசர்ட் கோல்ட் மற்றும் ஜங்கிள் கிரீன் நிறங்களில் இந்த போன் அறிமுகப்படுத்தப்படும் என்று கூறப்படுகிறது. விவோ ஒய் 100 ஆனது ரூ.21,999 என்ற விலையில் விற்பனை செய்யப்படுகிறது. அதேபோல, விவோ Y200 ஸ்மார்ட்போனும் ரூ.24,000 என்ற விலையில் விற்பனைக்கு அறிமுகமாகலாம் என்று எதிர்பார்க்கப்படுகிறது.