BANvsSL : வங்கதேசத்தை வீழ்த்தி டெஸ்ட் தொடரை கைப்பற்றிய இலங்கை அணி ..! அடுத்த டார்கட் உலகக்கோப்பை தான் ..!

BANvsSL : வங்கதேசத்தில் சுற்று பயணம் மேற்கொண்டு வந்த இலங்கை அணி, அந்த சுற்றி பயணத்தொடரில் கடைசியாக நடந்த டெஸ்ட் போட்டியை 2-1 என்ற கணக்கில் வெற்றி பெற்று தொடரையும் கைப்பற்றி உள்ளது.

இந்த ஆண்டில் கடந்த மார்ச்-3 தேதி முதல் வங்கதேசத்தில் சுற்று பயணம் மேற்கொண்டு வந்த இலங்கை அணி 3டி20 போட்டிகள், 3 ஒருநாள் போட்டி மற்றும் இரண்டு டெஸ்ட் போட்டிகளில் விளையாடியது. இதில் முதலில் நடைபெற்ற டி20 போட்டிகளில் இலங்கை அணி அபாரமாக 3 போட்டிகளிலும் வெற்றியை பெற்று 3-0 என்ற கணக்கில் வெற்றி பெற்றது.

அதன் பிறகு நடந்த 3 ஒரு நாள் போட்டிகள் தொடரை வங்கதேச அணி சிறப்பாக விளையாடி 2-1 என்ற கணக்கில் இலங்கை அணியை வீழ்த்தி ஒரு நாள் தொடரை கைப்பற்றி இருந்தது. இந்நிலையில், மார்ச்- 22 ம் தேதி தொடங்கிய 2 போட்டிகள் கொண்ட டெஸ்ட் தொடரின் முதல் போட்டியில் இலங்கை அணி 328 ரன்கள் என்ற பெரிய ரன்கள் வித்தியாசத்தில் வெற்றியை பெற்று தொடரில் முன்னிலையில் இருந்தது.

மேலும், இரண்டாவது டெஸ்ட் போட்டியை வெற்றி பெற்று இந்த டெஸ்ட் போட்டி தொடரை சமநிலை செய்ய வேண்டும் என்ற முனைப்பில் வங்கதேச இருந்து வந்தது. இறுதியாக நடந்த டெஸ்ட் போட்டியிலும் இலங்கை அணியின் அபார பந்து வீச்சாலும், அபார பேட்டிங்காலும் வங்கதேச அணியால் வெற்றியின் அருகில் வரை செல்ல முடியாமல் தோல்வி அடைந்தது.

மேலும், இலங்கை அணியின் அட்டகாசமான ஆட்டத்தால் அந்த அணி 2-வது டெஸ்ட் போட்டியை 192 ரன்கள் வித்தியாசத்தில் வெற்றி பெற்று டெஸ்ட் தொடரையும் கைப்பற்றி உள்ளது. கடைசியாக, வங்கதேச அணி 2017 ம் ஆண்டு கொழும்புவில் நடைபெற்ற ஒரு டெஸ்ட் போட்டியில் இலங்கை அணியை 4 விக்கெட் வித்தியாசத்தில் வெற்றி பெற்றதே இலங்கைக்கு எதிராக வெற்றியாகும் என்பது குறிப்ப்பிடத்தக்கது.