நான்காவது டி20 யில் இங்கிலாந்தை வீழ்த்திய இந்தியா தொடரை கைப்பற்றியது !
இந்தியா, புனேயில் நடைபெற்ற நான்காவது டி20 போட்டியில் இங்கிலாந்தை 15 ரன்கள் வித்தியாசத்தில் இங்கிலாந்தை வீழ்த்தி, தொடரை 3-1 என்ற கணக்கில் கைப்பற்றியது.
இந்தியா மற்றும் இங்கிலாந்து அணிகளுக்கு இடையிலான நான்காவது டி20 போட்டி புனேயில் ஜனவரி 31, 2025 அன்று நடைபெற்றது. இந்தியா 15 ரன்கள் வித்தியாசத்தில் வெற்றி பெற்று, 5 போட்டிகள் கொண்ட தொடரில் 3-1 என்ற கணக்கில் முன்னிலை பெற்று தொடரை கைப்பற்றியுள்ளது.
போட்டியின் முக்கிய அம்சங்கள்:
இந்தியாவின் இன்னிங்ஸ்: டாஸ் வென்ற இங்கிலாந்து பந்துவீச்சை தேர்வு செய்தது. இந்திய அணியின் தொடக்க வீரர்கள் விரைவில் விக்கெட்டுகளை இழந்தனர்; சாகிப் மக்மூத் தனது முதல் ஓவரில் சஞ்சு சாம்சன் (1), திலக் வர்மா (0), சூர்யகுமார் யாதவ் (0) ஆகியோரை வெளியேற்றினார். இதனால் இந்தியா 12/3 என்ற நிலைக்கு தள்ளப்பட்டது. பின்னர், ஹர்திக் பாண்ட்யா (53) மற்றும் ஷிவம் துபே (53) ஆகியோர் சிறப்பாக விளையாடி, இந்தியா 20 ஓவர்களில் 181/9 ரன்கள் சேர்த்தது.
இங்கிலாந்தின் இன்னிங்ஸ்: 182 ரன்கள் இலக்குடன் களமிறங்கிய இங்கிலாந்து, தொடக்கத்தில் பில் சால்ட் மற்றும் பென் டக்கெட் ஆகியோரின் நல்ல தொடக்கத்தால் 62 ரன்கள் சேர்த்தது. ஆனால், தொடர்ந்து விக்கெட்டுகளை இழந்ததால், ஹாரி ப்ரூக் (51) மட்டுமே சிறப்பாக விளையாடினார். இங்கிலாந்து அணி 19.4 ஓவர்களில் 166 ரன்களுக்கு ஆல் அவுட் ஆனது.இதன் மூலம் இந்திய அணி 15 ரன்கள் வித்தியாசத்தில் வெற்றிப்பெற்று தொடரை கைப்பற்றியுள்ளது.
போட்டியின் போது, ஷிவம் துபே ஹெல்மெட்டில் பந்து தாக்கியதால், அவருக்கு பதிலாக ஹர்ஷித் ராணா காயம் மாற்ற வீரராக களமிறக்கப்பட்டார்.ராணா தனது முதல் அறிமுக சர்வதேச டி20 போட்டியிலே 3 முக்கிய விக்கெட்டுகளை வீழ்த்தி அசத்தியுள்ளார்.போட்டியின் 19வது ஓவரில், ஹர்ஷித் ராணா ஜேமி ஓவர்டனை (19 ரன்கள்) கிளீன் போல்ட் செய்து, இங்கிலாந்தின் வெற்றிக்கான வாய்ப்புகளை முடித்தார்.
இந்த மாற்று வீரர் மாற்றத்தை இங்கிலாந்து அணி விரும்பவில்லை இது குறித்து கருத்து தெரிவித்த இங்கிலாந்து கேப்டன் ஜோஸ் பட்லர், இந்த மாற்றம் ‘ஒத்த வீரர்’ (like-for-like) அல்ல என்று கூறினார்.
இந்த வெற்றியின் மூலம், இந்தியா தொடரை 3-1 என்ற கணக்கில் கைப்பற்றியது, மேலும் இறுதிப்போட்டியானது வருகிற பிப்ரவரி 2ஆம் தேதி மும்பையில் நடைபெறவுள்ளது.
