பாலியல் புகாரில் கைதான குணதிலகா, அனைத்து விதமான கிரிக்கெட்டிலும் இருந்து சஸ்பெண்ட்- இலங்கை

இலங்கையின் குணாதிலகாவை அனைத்து விதமான கிரிக்கெட்டிலும் இருந்து சஸ்பெண்ட் செய்துள்ளது இலங்கை கிரிக்கெட் வாரியம். 

ஆஸ்திரேலியாவில் நடந்து வரும் டி-20 உலகக்கோப்பை தொடரில் கடந்த ஞாயிற்றுக்கிழமை சிட்னியின் ஹோட்டல் ஒன்றில் ஆஸ்திரேலிய பெண் ஒருவர் அளித்த பாலியல் புகாரின் அடிப்படையில் இலங்கை வீரர் தனுஷ்கா குணதிலகா, கைது செய்யப்பட்டார். முன்னதாக இலங்கை கிரிக்கெட் வாரியம் அவருக்கு எச்சரிக்கை விடுத்திருந்தது மேலும் குற்றம் நிரூபிக்கப்பட்டால் கடுமையான விளைவுகளை சந்திக்கநேரிடும் என்றும் கிரிக்கெட் போட்டிகளில் அவரது பெயர் தேர்வு செய்யப்பட மாட்டாது என்றும் தெரிவித்திருக்கிறது.

இலங்கை கிரிக்கெட் வாரியம் இது குறித்து மேலும் கூறியதாவது, இது போன்ற செயல்களை ஒருபோதும் பொறுத்துக்கொள்ளமுடியாது, அனைத்து விதமான போட்டிகளிலும் குணதிலகா, சஸ்பெண்ட் செய்யப்பட்டுள்ளார் என அறிவித்தது. மேலும் இந்த கைது சம்பவம் குறித்து ஆஸ்திரேலியாவிற்கு தேவையான அனைத்து ஆதரவையும் இலங்கை வாரியம் அளிக்கும் என்று கூறியிருக்கிறது.