பிரதமர் மோடி காணொலி வாயிலாக இங்கிலாந்தில் நடைபெறும் ஜி-7 மாநாட்டில் பங்கேற்கிறார்!

இங்கிலாந்தில் ஜூன் 11 முதல் 13 ஆம் தேதி வரை ஜி-7 மாநாடு நடைபெறுகிறது.

இந்த மாநாட்டில் பிரதமர் மோடி காணொலி வாயிலாக பங்கேற்கிறார்.

இங்கிலாந்து, கனடா, பிரான்ஸ், ஜெர்மனி, இத்தாலி, ஜப்பான் மற்றும் அமெரிக்கா ஆகிய ஏழு நாடுகள் அடங்கிய ஜி 7 அமைப்பின் மாநாடு இங்கிலாந்திலுள்ள கார்ன்வால் எனுமிடத்தில் ஜூன் 11 முதல் 13 ஆகிய தேதிகளில் நடைபெறுகிறது.  இந்த ஜி-7 மாநாட்டின் சிறப்பு அழைப்பாளராக பங்கேற்பதற்காக பிரதமர் நரேந்திர மோடி அவர்களுக்கு இங்கிலாந்து பிரதமர் போரிஸ் ஜான்சன் அழைப்பு விடுத்துள்ளார்.

இதனையடுத்து இங்கிலாந்தில் நடைபெறும் ஜி-7 மாநாட்டில் கலந்து கொள்வதற்காக பிரதமர் மோடி இங்கிலாந்து பயணம் மேற்கொள்ள இருந்தார். ஆனால் கொரோனா  பரவல் இன்னும் ஓயாத நிலையில், ஜி-7 மாநாட்டில் பிரதமர் மோடி நேரில் கலந்துகொள்ள மாட்டார் என தெரிவிக்கப்பட்து. இதனை அடுத்து இந்த மாநாட்டில் 12 மற்றும் 13 ஆகிய இரு அமர்வுகளில் பிரதமர் மோடி காணொலி வாயிலாக பங்கேற்பார் என மத்திய வெளியுறவுத்துறை அமைச்சகம் தெரிவித்துள்ளது.