அதிமுக முன்னாள் அமைச்சர் எம்.விஜயசாரதி உடல்நலக்குறைவால் நேற்று காலமானார்.
ராணிப்பேட்டை மாவட்டம் அரக்கோணம் தொகுதியில் கடந்த 1980ஆம் ஆண்டு அதிமுக சார்பில் முன்னாள்அமைச்சர் எம்.விஜயசாரதி போட்டியிட்டு வெற்றிபெற்றார்.ஆனால்,1984-ஆம் ஆண்டில்நடைபெற்ற சட்டமன்ற தேர்தலில் அரக்கோணம் தொகுதியில் மீண்டும் போட்டியிட்டபோது தோல்வியுற்றார்.
இதனையடுத்து,கடந்த சில ஆண்டுகளாக ஆந்திர மாநிலம் சத்தியவேடு அருகே உள்ள பண்ணை வீட்டில் வசித்து வந்தார்.இந்நிலையில்,அவர் உடல்நலக் குறைவால் நேற்று உயிரிழந்தார்.அவருக்கு வயது 67 ஆகும்.
அரக்கோணத்தில் உள்ள சகோதரர் விஜயராகவன் வீட்டில் முன்னாள்அமைச்சர் எம்.விஜயசாரதியின் உடல் அஞ்சலிக்காக வைக்கப்பட்டு, பொதுமக்கள் மற்றும் கட்சி தொண்டர்கள் மரியாதை செலுத்தினர்.
இதனைத் தொடர்ந்து,முன்னாள் அமைச்சர் விஜயசாரதியின் மறைவுக்கு அதிமுக ஒருங்கிணைப்பாளர் ஓ.பன்னீர் செல்வம் மற்றும் இணை ஒருங்கிணைப்பாளர் பழனிச்சாமி ஆகியோர் இரங்கல் தெரிவித்துள்ளனர்.
இவர் மறைந்த முன்னாள் முதல்வர் எம்.ஜி.ஆர் அவர்களின் அமைச்சரவையில் ஆதி திராவிடர் நலத்துறைஅமைச்சராகப் பதவி வகித்தார் என்பது குறிப்பிடத்தக்கது.