அண்ணாமலை பாதயாத்திரை – தேமுதிகவுக்கு அழைப்பு…!

தமிழக பாஜக தலைவர் அண்ணாமலை அவர்கள் நடத்தும் பாதயாத்திரையில் கலந்துகொள்ள தேமுதிகவுக்கு அழைப்பு.  

தமிழக பாஜக தலைவர் அண்ணாமலை அவர்கள், ‘என் மண், என் மக்கள்’ என்ற பாதயாத்திரையை ராமேஸ்வரத்தில் இருந்து ஜூலை 28-ஆம் தேதி தொடங்குகிறார். தமிழகம் முழுவதும் 6 மாதங்கள் பாதயாத்திரை மேற்கொள்ளும் அண்ணாமலை, 225 ஊர்களில் மக்களை சந்திக்கிறார்.

இந்த 6 மாத கால நடைபயணத்தின் போது பாஜக தேசியத் தலைவர்கள் பலரும், அண்ணாமலையுடன் கலந்து கொள்ள உள்ள நிலையில், கூட்டணி கட்சிகளுக்கு அழைப்பு விடுத்திருந்தார். இதனை தொடர்ந்து தற்போது, இந்த பாதயாத்திரையில் கலந்துகொள்ள தேமுதிகவுக்கு அழைப்பு விடுத்துள்ளனர்.