சென்னை : தங்கம் வாங்க காத்திருந்த மக்களுக்கு இன்று மகிழ்ச்சி செய்தி வெளியாகியுள்ளது. கடந்த சில நாட்களாக தொடர்ந்து உயர்ந்து வந்த தங்கம் விலை, தற்போது கணிசமான அளவில் குறைந்துள்ளது.
சென்னையில் இன்று 22 காரட் ஆபரணத் தங்கத்தின் விலை ஒரு கிராமுக்கு ரூ.380 குறைந்து ரூ.13,570 ஆக விற்பனை செய்யப்படுகிறது. அதேபோல், ஒரு சவரன் (8 கிராம்) தங்கத்தின் விலை ரூ.3,040 குறைந்து ரூ.1,08,560 ஆக நிர்ணயிக்கப்பட்டுள்ளது.
ஒரே நாளில் சவரனுக்கு ரூ.3,000-க்கும் அதிகமாக விலை குறைந்திருப்பது நகை வாங்க திட்டமிட்டிருந்த பொதுமக்களுக்கு பெரும் நிவாரணமாக பார்க்கப்படுகிறது. திருமணம் மற்றும் பிற சுப நிகழ்ச்சிகளுக்காக தங்கம் வாங்க காத்திருந்தவர்கள் இந்த விலை சரிவை வரவேற்றுள்ளனர்.
தங்கம் மட்டுமல்லாமல் வெள்ளி விலையும் இன்று குறைந்துள்ளது. ஒரு கிராம் வெள்ளி ரூ.15 குறைந்து ரூ.255 ஆகவும், ஒரு கிலோ வெள்ளி ரூ.15,000 குறைந்து ரூ.2,55,000 ஆகவும் விற்பனை செய்யப்படுகிறது.
சர்வதேச சந்தையில் தங்கம் மற்றும் வெள்ளி விலைகளில் ஏற்பட்ட மாற்றம், அமெரிக்க டாலரின் மதிப்பு மற்றும் முதலீட்டு சந்தை நிலவரம் போன்ற காரணங்களால் உள்நாட்டு சந்தையிலும் விலை மாற்றம் ஏற்பட்டுள்ளதாக வியாபாரிகள் தெரிவிக்கின்றனர்.
இன்றைய விலை நிலவரம்
• 1 கிராம் ஆபரணத் தங்கம் – ரூ.13,570
• 1 சவரன் ஆபரணத் தங்கம் – ரூ.1,08,560
• 1 கிராம் வெள்ளி – ரூ.255
• 1 கிலோ வெள்ளி – ரூ.2,55,000
தொடர்ந்து உச்சத்தில் இருந்த தங்கம் விலை திடீரென சரிந்திருப்பதால், நகை வாங்குவோரின் கவனம் மீண்டும் தங்க சந்தை மீது திரும்பியுள்ளது.