சூரப்பா மீதான புகார் ! கூடுதல் பணியாளர்கள் வழங்ககோரி கடிதம்

அண்ணா பல்கலைக்கழக துணைவேந்தர் சூரப்பா மீதான புகார்கள் குறித்து விசாரிக்கும் விசாரணை ஆணையம் , உயர்கல்விதுறை செயலருக்கு கடிதம் எழுதியுள்ளது.

அரியர் தேர்வுகள் ரத்து மற்றும் அண்ணா பல்கலைக்கழகத்திற்கு உயர் சிறப்பு அந்தஸ்து தேவையில்லை என்று தமிழக அரசின் நிலைப்பாட்டிற்கு அண்ணா பல்கலைகழக துணைவேந்தர் சூரப்பா அதிருப்தி தெரிவித்திருந்தார்.எனவே இது தொடர்பாக அவர் மீது புகார்கள் தொடர்ச்சியாக எழுப்பப்பட்டது.

எனவே சூரப்பா மீதான புகார்கள் குறித்து விசாரிக்க நீதிபதி கலையரசன் தலைமயில் விசாரணைக்குழுவை அமைத்தது தமிழக அரசு .மேலும் மூன்று மாதங்களில் இந்த விசாரணைக்குழு அறிக்கை அளிக்கவும் அரசு உத்தரவிட்டது.சூரப்பா மீதான புகார்கள் குறித்து விசாரிக்க விசாரணை ஆணைய நீதிபதி கலையரசன் பொறுப்பேற்றார்.

இந்நிலையில் விசாரணை ஆணைய தலைவர் நீதிபதி கலையரசன் உயர்கல்விதுறை செயலருக்கு கடிதம் எழுதியுள்ளார்.அவரது கடிதத்தில்,சூரப்பா மீதான புகாரை விசாரிக்கும் ஆணையத்துக்கு கூடுதல் பணியாளர்கள், அலுவலகம் வழங்ககோரிக்கை விடுக்கப்பட்டுள்ளது.