இன்று 5 மாவட்டங்களில் பள்ளி, கல்லூரிகளுக்கு விடுமுறை!

ஆடிப்பெருக்கு விழாவை முன்னிட்டு தருமபுரி மாவட்டத்திற்கும்,  சுதந்திரப் போராட்ட வீரர் தீரன் சின்னமலையின் நினைவு தினத்தை முன்னிட்டு, திருப்பூர், ஈரோடு, சேலம் ஆகிய 3 மாவட்டங்களுக்கும் இன்று உள்ளூர் விடுமுறை அறிவிக்கப்பட்டுள்ளது.

மேலும், நாமக்கல் மாவட்டத்தில் அமைந்துள்ள கொல்லிமலைப்பகுதியில், கடையெழு வள்ளல்களுள் ஒருவனான வல்வில் ஓரி விழா கொண்டப்படுகிறது. இதை முன்னிட்டு இன்று உள்ளூர் விடுமுறை அறிவிக்கப்பட்டுள்ளது.

இந்நிலையில், இந்த 5 மாவட்டங்களிலும் பள்ளி, கல்லூரி, அரசு அலுவலகங்களுக்கு விடுமுறை அளிக்கப்பட்டுள்ளது. ஆனால், முக்கிய அலுவலகங்கள், அரசு கருவூலங்கள் குறைந்த பணியாளர்களுடன் இயங்கும் என்று அறிவிக்கப்பட்டுள்ளது.

அதேபோல், ஆடிப்பெருக்கையொட்டி மற்ற மாவட்டங்களில் பள்ளிகளுக்கு விடுமுறை விடுவது குறித்து தலைமை முடிவெடுக்கலாம் என தெரிவிக்கப்பட்டுள்ளது.