நாங்கள் நெருங்கிய நண்பர்களாகிவிட்டோம்! அந்த நட்பு வலுப்பெற புதிய படம் உதவும் : நடிகை அதுல்யா

நடிகை அதுல்யா தமிழ் சினிமாவின் பிரபலமான நடிகை. இவர் தமிழில் காதல் கண்கட்டுதே படத்தில் நடித்ததன் மூலம் தமிழ் சினிமாவில் அறிமுகமானார். இந்நிலையில், தற்போது இவர் சமுத்திரக்கனியின், அடுத்த சாட்டை படத்தில் நடித்து வருகிறார்.

இந்நிலையில்,இவர் கேப்மாரி படத்தில் நடிகர் ஜெய்க்கு ஜோடியாக நடித்தார். இதனையடுத்து, இவர்கள் இருவரும் இயக்குனர் வெற்றிச்செல்வன் இயக்கத்தில் உருவாகவுள்ள புதிய படத்தில் நடிக்கவுள்ளனர்.

இப்படம் குறித்து நடிகை அதுல்யா கூறுகையில், மீண்டும் ஜெய்யுடன் நடிப்பது மகிழ்ச்சி அளிப்பதாகவும், அவர் இயல்பாக பழகக்கூடியவர் என்றும் கூறியுள்ளார். மேலும், கேப்மாரி படத்திலேயே நாங்கள் இருவரும் நெருங்கிய நண்பர்களாகிவிட்டோம். அந்த நட்பு வலுப்பெற புதிய படம் உதவும் என தெரிவித்தார்.