பிரமாண்டமாக ரசிகர்களுடன் நடைபெறவுள்ள விக்ரம் இசைவெளியீட்டு விழா.!

நடிகர் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகியுள்ள அதிரடி ஆக்ஷ்ன் திரைப்படம் “விக்ரம்”. இந்த படத்தில் விஜய் சேதுபதி, பஹத் பாசில், நரேன் ஆகியோர் முக்கியமான கதாபாத்திரத்தில் நடித்துள்ளனர்.

ராஜ்கமல் பிலிம்ஸ் நிறுவனம் இந்த படத்தை தயாரித்துள்ளது. படத்திற்கு இசையமைப்பாளர் அனிருத் இசையமைத்துள்ளார். இந்த திரைப்படம் வரும் ஜூன் 3-ஆம் தேதி தமிழ், தெலுங்கு, கன்னடம், ஹிந்தி, மலையாளம் ஆகிய மொழிகளில் திரையரங்குகளில் வெளியாகவுள்ளது.

இன்னும் படம் வெளியாக ஒரு மாதம் இருப்பதால் படத்தின் ப்ரமோஷன் பணியில் படக்குழு தீவிரமாக இறங்கியுள்ளது. இந்த படத்தை பார்க்க ஒட்டுமொத்த சினிமா ரசிகர்களும் ஆவலுடன் எதிர்பார்த்து காத்துள்ளனர்.

இந்த நிலையில், இந்த படத்தின் இசை வெளியீட்டு விழா, பிரமாண்டமாக வரும் மே மாதம் 15-ஆம் தேதி குள் நடத்த திட்டமிட்டுள்ளார்களாம். அதுமட்டுமின்றி, இந்த நிகழ்ச்சியை காண ரசிகர்களுக்கும் அனுமதி அளிக்கப்படவுள்ளதாம். ரசிகர்களுடன் ஆர்ஆர்ஆர் படத்தின் விழா போல பிரமாண்டமாக நடைபெறும் என தெரிகிறது. விரைவில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.