4 வருடங்களுக்கு பிறகு இமயமலை பயணம்… சூப்பர் ஸ்டார் ரஜினிகாந்த் பேட்டி.!

நாளை மறுநாள் சூப்பர் ஸ்டார் ரஜினிகாந்த் நடிப்பில் உருவான ஜெயிலர் திரைப்படம் உலகமெங்கும் ஆயிரக்கணக்கான திரையரங்குகளில் பிரமாண்டமாக வெளியாக உள்ளது. இதனை வரவேற்க ரசிகர்கள் காத்துக்கொண்டிருக்கிறார்கள். இதுவரை இல்லாத அளவுக்கு முன்பதிவு மிக தீவிரமாக நடைபெற்று வருகிறது.

வழக்கமாக தனது திரைப்படம் முடிந்த பிறகு, குறிப்பிட்ட கால இடைவெளியில் இமயமலை செல்வதை வழக்கமாக கொண்டிருப்பார் நடிகர் ரஜினிகாந்த். ஆனால் கடந்த சில வருடங்களாக ரஜினிகாந்த் இமயமலை செல்லவில்லை.

இந்நிலையில் நாளை மறுநாள் ஜெயிலர் திரைப்படம் வெளியாக உள்ள நிலையில் இன்று இமயமலை செல்கிறார் நடிகர் ரஜினிகாந்த். இன்று செய்தியாளர்களிடம் ரஜினிகாந்த் பேசுகையில், 4 வருடங்களாக கொரோனா தொற்று முன்னெச்சரிக்கை நடவடிக்கை காரணமாக இமயமலை செல்லவில்லை. இந்த வருடம் தற்போது இமயமலை செல்ல உள்ளேன் என தெரிவித்தார்.

அடுத்ததாக நீங்கள் நடித்த ஜெயிலர் திரைப்படம் எப்படி இருக்கிறது என செய்தியாளர்கள் கேட்கவே, படம் எப்படி இருக்கிறது என நான் கூறினால் நன்றாக இருக்காது. அதனை நீங்கள் தான் பார்த்து சொல்ல வேண்டும் என கூறினார் சூப்பர் ஸ்டார் ரஜினிகாந்த்.