அசுரன் கதையை 4 நடிகர்கள் நிராகரித்த பின்னர் தான் தனுஷ்க்கு வந்தது என்று இயக்குனர் வெற்றி மாறன் கூறியுள்ளார்.
இயக்குனர் வெற்றிமாறன் இயக்கத்தில் தனுஷ், மஞ்சு வாரியர், பிரகாஷ் ராஜ், பசுபதி, கென் கருணாஸ் உள்ளிட்ட பலர் நடிப்பில் வெளியான படம் அசுரன். இசையமைப்பாளர் ஜிவி பிரகாஷ் இசையமைத்திருந்த இந்த திரைப்படம் ரசிகர்களுக்கு மத்தியில் மாபெரும் வெற்றி பெற்று நல்ல வசூல் சாதனை படைத்தது. கடந்த மூன்று நாட்களுக்கு முன்பு சிறந்த தமிழ் திரைப்படம் அசுரன் என்றும், சிறந்த நடிகர் தனுஷ் என்றும் தேசிய விருது அறிவிக்கப்பட்டிருந்தது.
இந்த நிலையில் தேசிய விருது பெற்றதை தொடர்ந்து இயக்குனர் வெற்றி மாறன் கூறுகையில், “அசுரன் படத்தில் தேசிய விருது கிடைத்திருப்பது மிகவும் மகிழ்ச்சி. இந்த திரைப்படத்தில் நடிகர் தனுஷ் என்னை நம்பி நடித்தார். இந்தத் திரைப்படம் மிகப்பெரிய இடத்தை பிடித்ததற்கு காரணம் தயாரிப்பாளர் கலைப்புலி தாணு. முதலில் இந்தத் திரைப்படத்தின் கதையை நான் 4 நடிகர்களிடம் கூறினேன் அவர்கள் நிராகரித்த பின்னர் தான் நடிகர் தனுஷிடம் கூறினேன். கதையைக் கூறியவுடன் தனுஷுக்கு மிகவும் பிடித்துவிட்டது. நடிகை மஞ்சு வாரியர் இந்த திரைப்படத்தை குடும்பப் படமாக மாற்றினார்” என்றும் புகழ்ந்து பேசியுள்ளார்.