தமிழ் திரைப்பட தயாரிப்பாளர் சங்கத் தேர்தல் தேதி அறிவிப்பு!

தமிழ் திரைப்பட தயாரிப்பாளர் சங்கத் தேர்தல் நவம்பர் 22-ஆம் தேதி நடைபெறும்.

தமிழ் திரைப்பட தயாரிப்பாளர் சங்க தேர்தலை நடத்தி முடிப்பதற்கான கால அவகாசத்தை நீட்டித்து சென்னை உயர்நீதிமன்றம் உத்தரவிட்ட நிலையில், டிசம்பர் 31-ம் தேதிக்குள் தயாரிப்பாளர் சங்கத் தேர்தலை நடத்தி முடிக்க வேண்டுமெனவும், சிறப்பு அதிகாரியான ஒய்வு பெற்ற நீதிபதி ஜெயச்சந்திரன் தேர்தலை நடத்தி முடித்தது குறித்த அறிக்கையை ஜனவரி 30-ம் தேதிக்குள் தாக்கல் செய்ய வேண்டுமெனவும் உத்தரவிடப்பட்டது.

இந்நிலையில், தமிழ் திரைப்பட தயாரிப்பாளர் சங்கத் தேர்தல் நவம்பர் 22ஆம் தேதி நடைபெறும் என தேர்தல் அதிகாரி ஜெயசந்திரன் அவர்கள் தெரிவித்துள்ளார். மேலும், 2020 – 22ம் ஆண்டு தேர்தலுக்கான இறுதி செய்யப்பட்ட வாக்காளர் பட்டியல் நவம்பர் 12ம் தேதி வெளியிடப்படும் என்றும், அடையாறு எம்.ஜி.ஆர் ஜானகி கலை கல்லூரியில் காலை 8 மணி முதல் மாலை 4 மணி வரை தேர்தல் நடைபெறும் எனஅறிவித்துள்ளார்.