கவினுக்கு அடுத்த பிளாக் பஸ்டர் ரெடி! ஸ்டார் படத்தின் சூப்பர் டிரைலர்!

Star: கவின் நடித்துள்ள ஸ்டார் படத்தின் டிரைலர் தற்போது வெளியாகியுள்ளது.

நடிகர் கவின் கடைசியாக ‘டாடா’ படத்தில் நடித்து இருந்த நிலையில் அந்த படம் ரசிகர்களுக்கு மத்தியில் பலத்த வரவேற்பை பெற்று வசூல் ரீதியாக ஹிட் ஆன நிலையில், அடுத்ததாக கவின் இயக்குனர் இளன் இயக்கத்தில் ஸ்டார் என்கிற படத்தில் நடித்து முடித்து இருக்கிறார். படத்தில் லால், அதிதி போஹங்கர், ப்ரீத்தி முகுந்தன், கீதா கைலாசம் உள்ளிட்ட பல பிரபலங்கள் முக்கியமான கதாபாத்திரத்தில் நடித்து உள்ளார்கள்.

இயக்குனர் இளன் பியார் பிரேமா காதல் திரைப்படத்தை இயக்கி இருந்தார். இந்த படம் ஏற்கனவே ரசிகர்களுக்கு மத்தியில் பலத்த வரவேற்பை பெற்று ஹிட் ஆகி இருக்கும் நிலையில், அடுத்ததாக அவர் கவினை வைத்து ஸ்டார் படத்தை இயக்கி முடித்துள்ளார். இந்த படத்திற்கு இசையமைப்பாளர் யுவன் சங்கர் ராஜா இசையமைத்துள்ளார்.

இந்த திரைப்படம் மிகப்பெரிய எதிர்பார்ப்புகளுக்கு மத்தியில் வரும் மே 10-ஆம் தேதி திரையரங்குகளில் வெளியாகவுள்ளது. இதனை முன்னிட்டு படத்தின் ப்ரோமோஷன் பணிகளும் மும்மரமாக நடைபெற்று வருகிறது. அதன் ஒரு பகுதியாக படத்தின் டிரைலரை படக்குழுவினர் வெளியிட்டுள்ளார்கள்.

டிரைலரில் வரும் காட்சிகளும் இசையமைப்பாளர் யுவன் சங்கர் ராஜாவின் பின்னணி இசை கேட்பதற்கும் படத்தின் மீது இருக்கும் எதிர்பார்ப்பை அதிகப்படுத்தி உள்ளது. டிரைலரை வைத்து பார்க்கையில் கண்டிப்பாக இந்த படமும் கவினுக்கு பிளாக் பஸ்டர் படமாக அமையும் என எதிர்பார்க்கப்படுகிறது. அந்த அளவிற்க்கு ட்ரைலருக்கு பாசிட்டிவான விமர்சனங்கள் குவிந்து வருகிறது.