நடிகை ஷ்ரத்தா கபூர் சாய்னாவின் வாழ்க்கை வரலாறு படத்தில் இருந்து விலகல்….!!!
சினிமாவில் இந்தியாவின் முன்னணி பாட்மிண்டன் வீராங்கனை சாய்னா நேவாலின் வாழ்க்கை வரலாறு படமாக்கப்பட்டு வருகிறது. இப்படம் புஷன் தயாரிப்பில் அமேல் குப்தா இயக்கத்தில் உருவாக்கி வருகிறது.
இந்நிலையில், இந்த படத்தில் சாய்னா கதாபாத்திரத்தில் நடிக்க ஷ்ரத்தா கபூர் ஒப்பந்தமாகியிருந்தார். இதில் சாய்னா பயிற்சி செய்வது போன்ற காட்சிகள் மற்றும் கல்லூரி காட்சிகள் படமாக்கப்பட்டது.
இதனையடுத்து, ஷ்ரத்தா எதிர்பாராத விதமாக டெங்கு காய்ச்சலால் பாதிக்கப்பட்டார். இதனையடுத்து, அவரால் படப்பிடிப்பில் பங்கேற்க முடியவில்லை. பின்னர் கால்ஷீட்டு பிரச்சனை காரணமாக இப்படத்தில் இருந்து விலகிக் கொண்டார்.
இந்நிலையில் தற்போது சாயினா நேவால் கதாப்பாத்திரத்தில் நடிக்க ஷ்ரத்தா கபூருக்கு பதில் பரிணிதி சோப்ரா ஒப்பந்தமாகியுள்ளார். பரிணிதி இதற்கான தீவிர பயிற்சியில் ஈடுபட்டு வருகிறார்.
