நண்பர்களுடன் "வாத்தி கம்மிங்" பாடலுக்கு நடனமாடும் சச்சின் பட நடிகை..!!

வாத்தி கம்மிங் பாடலுக்கு நடிகை ஜெனிலியா நடனம் செய்து தனது இன்ஸ்டாகிராம் பக்கத்தில் வெளியிட்டுள்ளார்.

நடிகர் விஜய் நடிப்பில் வெளியான மாஸ்டர் படம் பிரமாண்ட வெற்றியை பெற்று இன்னும் சில திரையரங்குகளில் வெற்றி நடைபோட்டு வருகிறது. படத்தின் கதை எந்த அளவிற்க்கு அருமையாக இருந்ததோ அதே அளவிற்கு இசையும் அற்புதமாக இருந்தது. படத்தின் அணைத்து பாடல்களும் ரசிகர்களுக்கு மத்தியில் மாபெரும் வரவேற்பை பெற்றது. குறிப்பாக இந்த படத்தில் இடம்பெற்ற வாத்தி கம்மிங் வீடியோ பாடலுக்கு அமோக வரவேற்பை பெற்று வருகிறது.

இந்த பாடலுக்கு, கிரிக்கெட் வீரர்கள், பல பிரபலங்கள் நடனம் செய்து அந்த வீடியோவை தனது சமூக வலைதளபக்கங்களில் வெளியிட்டு வருகின்றார்கள் அந்த வகையில் தற்போது தமிழ் சினிமாவின் முன்னணி நடிகையான ஜெனிலியா தனது இன்ஸ்டாகிராம் பக்கத்தில் வாத்தி கம்மிங் பாடலுக்கு தனது கணவர் மற்றும் தனது நண்பர்களுடன் நடனம் செய்து “உன்னோட வெற்றிய எப்பவும் செலப்ரேட் பண்றேன் விஜய்” என்று தெரிவித்துள்ளார். ஜெனிலியா ஆடிய அந்த நடன வீடியோ தற்போது சமூக வலைதளத்தில் வைரலாகி வருகிறது. மேலும் நடிகை ஜெனிலியா விஜய்யுடன் சச்சின் மற்றும் வேலாயுதம் ஆகிய படங்களில் நடித்துள்ளார் என்பது குறிப்பிடத்தக்கது.