சந்தானம் நடிப்பில் வெளியான பாரிஸ் ஜெயராஜ் படம் சென்னையில் 55 லட்சமும் தமிழகத்தில் 1.7 கோடியும், உலகம் முழுவதும் 3 கோடியும் வசூல் செய்துள்ளதாக தகவல்கள் வெளியாகியுள்ளது.
நடிகர் சந்தானம் நடிப்பில் கடந்த 12ஆம் தேதி வெளியான திரைப்படம் பாரிஸ் ஜெயராஜ். இயக்குனர் ஜான்சன் கே இயக்கியுள்ள இந்த திரைப்படத்தில் சந்தானத்திற்கு ஜோடியாக நடிகை அனைகா சோடி மற்றும் சாஷ்டி ராஜேந்திரா ஆகியோர் நடித்துள்ளனர்.லார்க் ஸ்டுடியோஸ் நிறுவனம் தயாரிக்கும் இந்தப் படத்திற்கு சந்தோஷ் நாராயணன் இசையமைத்துள்ளார். சிறந்த காமெடி படமாக உருவாகியுள்ள இந்த திரைப்படம் ரசிகர்களுக்கு மத்தியில் பலத்த வரவேற்பை பெற்று வருகிறது.
இந்த நிலையில் தற்போது இந்த திரைப்படம் 3 நாட்களில் செய்த வசூலை குறித்த தகவல் தற்போது கிடைத்துள்ளது. ஆம் வெளியான நாளில் இருந்து தற்போது வரை சென்னையில் 55 லட்சம் வசூல் செய்துள்ளது. அதைபோல் தமிழகத்தில் மொத்தமாக 1.7 கோடி வசூலும் உலகம் முழுவதும் 3 கோடி வசூல் செய்துள்ளதாக தகவல்கள் வெளியாகியுள்ளது.