என் வீட்டு குளியலறைக்கு பூட்டு கிடையாது.! ஜான்வியின் சேட்டைகளால் ஸ்ரீதேவி செய்த தரமான சம்பவம்.!

மறைந்த நடிகை ஸ்ரீதேவி, தயாரிப்பாளர் போனிகபூரின் மகளும், நடிகையுமான ஜான்வி கபூர் தற்போது பாலிவுட்டில் பல படங்களில் நடித்து வருகிறார். இவரது, நடிப்பில் சமீபத்தில் வெளியான “மிலி” திரைப்படம் ரசிகர்களுக்கு மத்தியில் நல்ல வரவேற்பை பெற்றது.

இந்த திரைப்படத்தை தொடர்ந்து அடுத்ததாக ஜான்வி கபூர் Bawaal , Mr. & Mrs. Mahi ஆகிய திரைப்படங்களில் நடித்து வருகிறார். இந்நிலையில், ஜான்வி கபூர் சென்னையில் தனது அம்மா ஸ்ரீதேவி வாங்கிய ஆடம்பர பங்களாவை சுற்றிக்காட்டும் வீடியோ ஒன்று இணையத்தில் வைரலாகி வருகிறது.

வீடியோவில் முதலில் ஜான்வி கபூர் தன்னுடைய தந்தை போனிகபூர் அலுவலகம் அந்த வீட்டில் செயல்பட்டு வருவதை காமிக்கிறார். பிறகு மறைந்த நடிகை ஸ்ரீதேவி வரைந்த பல ஓவியங்கள் அந்த வீட்டில் அமைக்கப்பட்டிருந்ததை வரிசையாக ஜான்வி காட்டியுள்ளார்.

இறுதியாக தனக்கு வீட்டில் மிகவும் பிடித்த பாத்ரூமை சுற்றிக்காட்டி ‘எனது குளியலறைக்கு பூட்டு கிடையாது. நான் குளியலறைக்கு சென்று பசங்களுடன் பேசுவேன் என்று பயந்து, அம்மா பூட்டு போட மறுத்துவிட்டார்’ என்று கூறியுள்ளார். இந்த வீடியோ தற்போது இணையத்தில் வைரலாகி வருகிறது.