சூப்பர்ஸ்டார் ரஜினிகாந்தின் தர்பார் படத்தின் மாஸ் அப்டேட்!
சூப்பர்ஸ்டார் ரஜினிகாந்த் தமிழ் சினிமாவின் பிரபலமான நடிகர். சமீபத்தில் இவரது நடிப்பில் வெளியான 2.0 திரைப்படம் ரசிகர்கள் மத்தியில் நல்ல வரவேற்பை பெற்றது. இவரது நடிப்பில் வெளியாகியுள்ள பல தமிழ் திரைப்படங்கள், தமிழக அரசின் திரைப்பட விருதுகளை பெற்றுள்ளது.
இந்நிலையில், தற்போது இவர் ஏ.ஆர்.முருகதாஸ் இயக்கத்தில் தர்பார் படத்தில் நடித்து வருகிறார். இப்படத்தில் இவருக்கு ஜோடியாக லேடி சூப்பர் ஸ்டார் நயன்தாரா நடிக்கிறார். இப்படத்தில் நடிகர் ரஜினிகாந்த் காவல்துறை அதிகாரியாக நடித்துள்ளார். இப்படத்தை லைகா நிறுவனம் தயாரித்து வருகிறது.
இந்நிலையில், இப்படத்திற்கு இசையமைக்கும் இளம் இசையமைப்பாளர் அனிரூத், சென்னை பாண்டி பஜாரில் நிகழ்ச்சியொன்றில் கலந்து கொண்டு பேசினார். அப்போது பேசிய அவர், ஏ.ஆர். முருகதாஸ் இயக்கத்தில், ரஜினிகாந்த் நடித்து வரும் தர்பார் படத்தின் இசை நவம்பர் மாதம் வெளியாகும் என தெரிவித்துள்ளார்.
