மீண்டும் ராக்கெட் ராஜாவாக களமிறங்கிய கார்த்தி.? ஜப்பான் பட அட்டகாசமான போஸ்டர் இதோ…

விருமன், பொன்னியின் செல்வன், சர்தார், ஆகிய மூன்று படங்களின் வெற்றிகளை தொடர்ந்து நடிகர் கார்த்தி அடுத்ததாக ‘ஜப்பான்’ திரைப்படத்தில் நடிக்கிறார். கார்த்தியின் 25-வது திரைப்படமாக உருவாகி இந்த திரைப்படத்தை ராஜூ முருகன் இயக்குகிறார். படத்தில் கதாநாயகியாக நடிகை அணு இம்மானு வேல் நடிக்கிறார். படத்திற்கு இசையமைப்பாளர் ஜிவி பிரகாஷ் இசையமைத்துள்ளார்.

இந்த திரைப்படத்திற்கான பூஜை கடந்த சில நாட்களுக்கு முன்பு தூத்துக்குடியில் தொடங்கப்பட்டது. தற்பொழுது விறுவிறுப்பாக படப்பிடிப்பும் அங்குதான் நடைபெற்று வருகிறது. இதற்கிடையில், நேற்று முன்தினம் படத்தின் பர்ஸ்ட் லுக் போஸ்டர் இன்று 5மணிக்கு வெளியாகும் என்று படக்குழு அறிவித்திருந்தது.

அதன்படி தற்போது படத்தின் பர்ஸ்ட் லுக் போஸ்டர் வெளியாகியுள்ளது. போஸ்டரில் போதையுடன் கார்த்தி சோபாவில் படுத்திருக்கிறார். பின்னாடி இருக்கும் போட்டோவில் கையில் துப்பாக்கியுடன் இருக்கிறார். கீழே மதுபாட்டிலுடன் இரண்டு பெண்கள் அமர்ந்திருப்பதுபோல கட்டப்பட்டுள்ளது.

மேலும் இந்த படத்தின் கார்த்தியின் லுக்கை பார்க்கையில், இதற்கு முன்பு கார்த்தி நடிப்பில் வெளியான சிறுத்தை படத்தின் ராக்கெட் ராஜா கெட்டப் போல இருக்கிறது. இதனால் படத்தின் மீதுள்ள எதிர்பார்ப்பும் அதிகமாகியுள்ளது.

Excited to start this journey of a quirky guy! #Japan – Made in India.#JapanFirstLook pic.twitter.com/gBStwdetkY

— Karthi (@Karthi_Offl) November 14, 2022