மாஸ்டர் படத்தை உங்களிடம் கொண்டுவர ஒன்றரை வருடமாக போராடி இருக்கிறோம். மாஸ்டர் படத்தில் லீக்கான காட்சிகள் உங்களது கண்ணில் பட்டால் ஷேர் செய்ய வேண்டாம்.
இயக்குனர் லோகேஷ் கனகராஜ் இயக்கத்தில், தளபதி விஜய் நடிப்பில் உருவாகியுள்ள திரைப்படம் மாஸ்டர். இந்த படத்தில் விஜய் சேதுபதி வில்லனாக நடித்துள்ளார். விஜய்க்கு ஜோடியாக மாளவிகா மோகன் நடித்துள்ளார். மேலும், இப்படத்தில் பல பிரபலங்கள் நடித்து உள்ளனர்.
கடந்த சில நாட்களாக தொடர்ந்து இப்படத்தின் புதிய அப்டேட்டுகள் வெளியாகி வருகிறது. இன்னும் ஓரிரு நாட்களில் படம் வெளியாகவுள்ள நிலையில், நேற்று இப்படம் இணையத்தில் வெளியாகி படக்குழுவினரை அதிர்ச்சியில் ஆழ்த்தியுள்ளது.
இந்நிலையில், மாஸ்டர் படத்தின் இயக்குனர் லோகேஷ் கனகராஜ் அவர்கள் தனது ட்வீட்டர் பக்கத்தில், ‘மாஸ்டர் படத்தை உங்களிடம் கொண்டுவர ஒன்றரை வருடமாக போராடி இருக்கிறோம். மாஸ்டர் படத்தில் லீக்கான காட்சிகள் உங்களது கண்ணில் பட்டால் ஷேர் செய்ய வேண்டாம். இன்னும் ஒரு நாள் மட்டும் காத்திருங்கள்.’ என பதிவிட்டுள்ளார்.