வேட்டையன் குறி வச்ச இறை கங்குவாவா? ரிலீஸ் தேதியை அறிவித்த படக்குழு!

சென்னை :ரஜினிகாந்த் நடித்துள்ள வேட்டையன் படம் வரும் அக்டோபர் மாதம் 10-ஆம் தேதி திரையரங்குகளில் வெளியாகும் என தயாரிப்பு நிறுவனம் அறிவித்துள்ளது.

இந்த ஆண்டு மிகவும் எதிர்பார்க்கப்படும் திரைப்படங்களில் சூர்யா நடித்து வரும் கங்குவா படமும், ரஜினிகாந்த் நடித்து வரும் வேட்டையன் படங்களும் உள்ளது. இதில் கங்குவா படம் அக்டோபர் மாதம் 10-ஆம் தேதி வெளியாகும் என ஏற்கனவே, அறிவிக்கப்பட்டுவிட்டது. அதே சமயம் வேட்டையன் படம் அக்டோபர் மாதம் ரிலீஸ் ஆகும் என்று மட்டும் படக்குழு அறிவித்து இருந்தது.

ரிலீஸ் தேதி என்னவென்று அறிவிக்கப்படாத நிலையில், வேட்டையன் படம் தீபாவளிக்கு வெளியாகுமா? அல்லது கங்குவா படத்துடன் மோதுமா? என்ற பல்வேறு கேள்விகள் எழுந்தது. இதனையடுத்து, படம் வரும் அக்டோபர் 10-ஆம் தேதி திரையரங்குகளில் வெளியாகும் என படத்தின் தயாரிப்பு நிறுவனம் லைக்கா அதிகாரப்பூர்வமாக அறிவித்துள்ளது.

ஏற்கனவே, கங்குவா படமும் அதே தேதியில் வெளியாகவுள்ள காரணத்தால் இரண்டு படங்களில் எந்த படம் அதிக அளவு வசூல் செய்ய போகிறது என்ற எதிர்பார்ப்பு இப்போவே எழுந்துள்ளது. இரண்டு படங்களின் மீதும் எதிர்பார்ப்பு மிகவும் அதிகமாக இருப்பதன் காரணமாக பூஜை விடுமுறையை டார்கெட் செய்து ரிலீஸ் செய்ய இரண்டு படங்களின் தயாரிப்பு நிறுவனம் முடிவெடுத்துள்ளது.

மேலும், கங்குவா படத்தின் தயாரிப்பாளர் ஞானவேல் ராஜா முன்னதாக பேட்டி ஒன்றில் பேசும்போது ” வேட்டையன் தீபாவளிக்கு ரிலீஸ் செய்ய பேச்சுவார்த்தை நடைபெற்று வருவதாகவும் , நாங்கள் ரஜினி படத்துடன் போட்டி போடவில்லை எனவும் தெரிவித்திருந்தார். இந்த சூழலில் வேட்டையன் ரிலீஸ் தேதி அக்டோபர் 10 என அறிவிக்கப்பட்டுள்ளதால் கங்குவா ரிலீஸ் தேதியில் மாற்றம் ஏற்படுமா?  என்பதை பொறுத்திருந்து பார்ப்போம்.