Chandramukhi 2: வேட்டையனாக மிரட்டும் லாரன்ஸ்! சந்திரமுகி 2-வின் அட்டகாசமான ட்ரைலர்!
இயக்குனர் பி.வாசு இயக்கத்தில் நடிகர்கள் ராகவா லாரன்ஸ், கங்கனா ரனாவத், லட்சுமி மேனன், மஹிமா நம்பியார், வடிவேலு, ராதிகா சரத்குமார், ரவி மரியா மற்றும் பல முக்கிய நடிகர்கள் நடிப்பில் உருவாகியிருக்கும் ‘சந்திரமுகி 2’ திரைப்படம் கடந்த 2005-ஆம் ஆண்டு வெளியான திகில் திரைப்படமாகும்.
அப்போது, இந்த திரைப்படம் ரசிகர்களுக்கு மத்தியில் நல்ல வரவேற்பை பெற்று மிகப்பெரிய ஹிட் ஆனது. இந்நிலையில், முதல் பாகம் வெற்றியை தொடர்ந்து படத்தின் இரண்டாவது பாகம் ரிலீஸுக்கு தயாராகி வருகிறது.
இந்த நிலையில், படத்தின் டிரைலர் வெளியீட்டு விழா, இன்று சென்னையில் உள்ள எக்ஸ்பிரஸ் மாலில் நடந்தது. இதில், படத்தில் நடித்த நடிகர்கள் மற்றும் குழுவினர் அனைவரும் கலந்து கொண்டனர். அப்போது, இப்படத்தின் டிரைலரை வெளியிட்டது படக்குழு. கடந்த சில தினங்களுக்கு முன்பு படத்தின் இசை வெளியீடு நடைபெற்றது.
டிரைலரை வைத்து பார்க்கும்பொழுது, முதல் பாகத்தை போலவே நகைச்சுவை, நடனம், ஆக்ஷன் என அனைத்தும் பிரமாதமாக அமைந்துள்ளது. வடிவேலு தனது கதாபாத்திரத்தில் கச்சிதமாக நடித்திருக்கிறார். வேட்டையனாக ராகவா லாரன்ஸ் மிரட்ட சந்திரமுகியாக கங்கனா ரனாவத் அழகாக நடித்திருக்கிறார்.
அண்மையில், படப்பிடிப்புகள் முடிவடைந்து போஸ்ட் புரொடக்ஷன் பணிகள் விறுவிறுப்பாக நடைபெற்று வரும் நிலையில், சமீபத்தில் படத்தின் பர்ஸ்ட் லுக் போஸ்டர் மற்றும் முதல் பாடலான ஸ்வகத்தாஞ்சலி படக்குழு வெளியிட்டது. கிட்டத்தட்ட 17 ஆண்டுகள் கழித்து 2-ம் பாகம் உருவாகியுள்ளது. தற்போது, சந்திரமுகியின் இரண்டாம் பாகம் வரும் 15-ம் தேதி விநாயகர் சதுர்த்தி அன்று தமிழ், இந்தி, தெலுங்கு, மலையாளம் ஆகிய மொழிகளில் வெளியாகிறது.
