பிரபல பாலிவுட் நடிகர் ஸ்ரீவஸ்தவா காலமானார்.!

ஸ்டாண்ட் அப் காமெடியனாக சினிமா வாழ்க்கையை தொடங்கிய நடிகர் ராஜு ஸ்ரீவஸ்தவா இந்தி படங்களில் சின்ன சின்ன கதாபாத்திரங்களில் நடித்தார். பிறகு பிக் பிரதர், பாம்பே டூ கோவா உள்ளிட்ட படங்களில் காமெடியனாக நடித்தார்.

இதனையடுத்து, கடந்த ஆகஸ்ட் 10-ம் தேதி டிரெட்மில்லில் ஓடும் போது நெஞ்சுவலி ஏற்பட்டு ராஜு ஸ்ரீவஸ்தவா மயங்கி விழுந்தாராம். அப்போது அவரது மனைவி அவரின் தலையைத் தொட்டபோது கால்களில் சிறிது அசைவு ஏற்பட்டதைத் தவிர, வேறெந்த அசைவும் இல்லாமல் இருந்தார்.

உடனடியாக அவர் டெல்லி எய்ம்ஸ் மருத்துவமனையில் அனுமதிக்கப்பட்டு, பல நாட்கள் சுயநினைவின்றி இருந்தார். 41 நாட்களாக சிகிச்சை பெற்றுவந்த நிலையில் இன்று காலை 10:30 மணி அளவில் அவரின் உயிர் பிரிந்தது. அவரது மறைவுக்கு திரை கலைஞர்கள், ரசிகர்கள் இரங்கல் தெரிவித்து வருகிறார்கள்.