FahadhFaasil: நியூ சொகுசு காரை வாங்கிய பகத் பாசில்! வீட்டில் வரிசைகட்டி நிற்கும் கோடிகளின் கார்கள்!

மலையாள சினிமாவில் பிரபல ஜோடிகளான பகத் பாசில் மற்றும் நஸ்ரியா, தங்களின் 9வது திருமண நாளை கொண்டாடும் விதமாக, கேரளாவில் முதன் முறையாக இந்த தம்பதியினர் புத்தம் புதிய “லேண்ட் ரோவர் டிஃபென்டர்” என்ற சொகுசு காரை வாங்கியுள்ளனர். இதன் மூலம் கேரளாவின் முதல் ‘லேண்ட் ரோவர் டிஃபெண்டர் 90’ சொகுசு காரை வாங்கிய நடிகர் என்ற பெருமையை பெற்றார்.

இந்த வாகனத்தின் ஆன்ரோடு விலை ரூ.2.70 கோடி ஆகும். இந்த கனவு காரை வாங்குவதற்காக பகத் பாசில் ரூ.46 லட்சம் வரி செலுத்தியுள்ளராம். இந்த வாகனம் கொச்சியில் உள்ள முத்தூட் ஜேஎல்ஆர் நிறுவனத்தில் இருந்து வாங்கப்பட்டது. இந்த காரில் பாதுகாப்புக்கு அதிக முக்கியத்துவம் கொடுத்து தயாராகியுள்ள டிஃபென்டரில் ஆறு ஏர்பேக்குகள், ஆண்டி லாக் பிரேக்கிங் சிஸ்டம் என பல தரம்வாய்ந்த அம்சங்கள் கொடுக்கப்பட்டுள்ளது.

திருமண கொண்டாட்டம்:

ஆகஸ்ட் 21ம் தேதி தனது திருமணநாளை மனைவி நஸ்ரியா உடன் கொண்டாடினார் பகத் பாசில். அன்றைக்கு தான் நடிகர் சாந்தனு-கீர்த்தி திருமணநாள் என்பதால், 2 ஜோடிகளும் ஒன்றாக சேர்ந்து கேக் வெட்டி கொண்டாடினர். பகத் பாசில் மற்றும் நஸ்ரியா ஆகஸ்ட் 21, 2014-ல் திருமணம் செய்து கொண்டனர். அவர்கள் திருமணம் செய்து பல வருடங்கள் கழித்து, டிரான்ஸ் உப்பட ஆறு திரைப்படங்களில் படங்களில் ஒன்றாக நடித்தனர்.

பகத் கையில் பல சொகுசு கார்கள்: 

தற்போது, ரூ.2.70 கோடி கொடுத்து வாங்கிய  ‘லேண்ட் ரோவர் டிஃபெண்டர் 90’ காரை தவிர  பகத் – நஸ்ரியாவின் வீட்டில் BMW 740i, Porsche, Mini Countryman, Lamborghini Urus மற்றும் Range Rover என வரிசை கட்டி நிற்கிறது, இது அனைத்துமே கோடிகளில் அடங்கும். இதனை வைத்து பார்க்கையில், இவர்கள் இருவரும் கார் பிரியர்கள் என்று தெளிவாக தெரிகிறது.