Bigg Boss 7 Exclusive: பவா செல்லத்துரையால் போட்டியாளர்களுக்கு குஷி…இந்த வாரம் எலிமினேஷன் கிடையாது!

பிக் பாஸ் சீசன் 7 நிகழ்ச்சி தொடங்கி இரண்டு வாரங்கள் ஆகியுள்ள நிலையில், போட்டி கொஞ்சம் கொஞ்சமாக சூடு பிடிக்க தொடங்கி இருக்கிறது. அடிக்கடி பிக் பாஸ் வீட்டிற்குள் சண்டைகள் வந்தாலும் கூட மற்ற சீசன்களை ஒப்பிட்டு பார்க்கையில் இந்த சீசன் சண்டை கொஞ்சம் குறைவு தான். இந்நிலையில், வழக்கம் போல் வாரம் வாரம் ஒவ்வொரு போட்டியாளர் குறைவான மக்கள் வாக்குகளை பெற்று வீட்டில் இருந்து வெளியேறி வருகிறார்கள்.

அந்த வகையில், கடந்த வாரம் பிக் பாஸ் வீட்டை விட்டு அனன்யா குறைவான வாக்குகளை பெற்று வெளியேறினார். அவருக்கு அடுத்த படியாக இந்த வாரம் திங்கட்கிழமை எழுத்தாளர் பவா செல்லத்துரையும் வெளியேறினார். அவர்களை தொடர்ந்து இந்த வாரம் யார் வெளியேற போகிறார் என்ற எதிர்பார்ப்பு எழுந்தது.

இந்த நிலையில், இந்த வாரம் பிக் பாஸ் நிகழ்ச்சியில் எலிமினேஷன் கிடையாதாம். அதற்கு காரணம் பவா செல்லத்துரை தன்னால் இனிமேல் இந்த வீட்டிற்கு இருக்க முடியாது தனக்கு உடல் நிலை சரில்லை மன ரீதியாக 1 நாள் கூட என்னால் இருக்க முடியாது. என்னை தயவுசெய்து இந்த வீட்டில் இருந்து அனுப்பி வையுங்கள் என பிக் பாஸ் இடம் கேட்டிருந்தார்.

இதன் காரணமாக அவருக்கு உடல் நிலை சரியில்லை என்ற காரணத்தால் பிக் பாஸ் அவரை வீட்டிற்கு அனுப்பி வைத்தது. ஒவ்வொரு வாரமும் ஒவ்வொரு போட்டியாளர்கள் தான் வீட்டை விட்டு போகவேண்டும் என்ற விதிமுறை பிக் பாஸ் வீட்டிற்குள் உண்டு அதைப்போல, பிக் பாஸ் நிகழ்ச்சி தொடங்கி இரண்டாவது வாரம் தான் ஆகிறது.

எனவே, ஏற்கனவே இரண்டு போட்டியாளர்கள் வீட்டை விட்டு கிளம்பி விட்டார்கள். இந்த வாரமும் ஒரு போட்டியாளர் வெளியேறினால் வீட்டில் 15-பேர் ஆகிவிடுவார்கள் என்ற காரணத்துக்காக பிக் பாஸ் இந்த வாரம் எலிமினேஷன் கிடையாது என்ற முடிவை எடுத்துள்ளது. எனவே, அடுத்த வாரம் தான் பிக் பாஸ் நிகழ்ச்சியில் எலிமினேஷன் நடைபெறும் ஒரு போட்டியாளர் வெளியே செல்வார்.

இந்த வாரம் கமல்ஹாசன் சனி மற்றும் ஞாயிற்றுக்கிழமை பிக் பாஸ் வீட்டிற்குள் நடந்த பஞ்சாயத்தை பற்றி பேசி பிக் பாஸ் போட்டியாளர்களுக்கு அறிவுரை கொடுப்பார் என கூறப்படுகிறது. இந்த வாரம் நாமினேஷனில் பிரதீப், மாயா, விஷ்ணு, அக்‌ஷயா, ஜோவிகா, விசித்ரா, பூர்ணிமா ஆகியோர் இடம்பெற்று இருந்தார்கள். இவர்களில் தங்களுக்கு பிடித்த போட்டியாளர்களுக்கு மக்கள் வாக்களித்து வந்த நிலையில், இந்த வாரம் எலிமினேஷன் இல்லை.

எலிமினேஷன் இல்லாததை மக்களுக்கு விஜய் தொலைக்காட்சி அறிவித்துவிட்டது. ஆனால், பிக் பாஸ் வீட்டிற்குள் இருக்கும் போட்டியாளர்களுக்கு இது இன்னும் தெரியாது. எனவே, கமல்ஹாசன் அனைவர்க்கும் பயத்தை கொடுத்துவிட்டு கடைசியாக ஞாயிற்றுக்கிழமை இரவு நோ எலிமினேஷன் என்று சொல்வார் என எதிர்பார்க்கப்படுகிறது.