தயாரிப்பளார் சங்கத்தின் விதி மீறலால் விதிகளை மதித்து நடப்போர் பாதிக்கப்படுவதாக நடிகர் விஷ்ணு விஷால் எதிர்ப்பு…!!!

நடிகர் விஷ்ணு விஷால் நடிப்பில் உருவாகியுள்ள படம் சிலுக்குவார்பட்டி சிங்கம். இந்த படமானது வரும் 21 ஆம் தேதி திரையிடப்போவதாக தயாரிப்பாளர் சங்கத்திடம் அனுமதி பெற்றுள்ளார். இதனையடுத்து இதற்கான அனைத்து வேலைகளும் விறுவிறுப்பாக நடைபெற்று வருகிறது.
இந்நிலையில், கிறிஸ்துமஸ் மற்றும் பொங்கல் விடுமுறையை முன்னிட்டு தயாரிப்பாளர்கள் தங்களது எந்த படத்தையும் திரையிட்டு கொள்ளலாம் என அனுமதி வழங்கியுள்ளது. இந்த அறிவிப்புக்கு நடிகர் விஷ்ணு  விஷால் எதிர்ப்பு தெரிவித்துள்ளார்.
இதுகுறித்து நடிகர் விஷ்ணு விஷால் கூறுகையில், அவருடைய சிலுக்குவாறுபட்டி சிங்கம் வெளியாவதற்கான அனுமதி பெற்ற பின்பு, தயாரிப்பாளர் சங்கம் இப்படி ஒரு அறிவிப்பை வெளியிட்டிருப்பதால், தனது படத்திற்கு போதுமான அளவு திரையரங்கு கிடைக்காது என கூறியுள்ளார்.
தயாரிப்பாளர் சங்கம் விதிகளை விதித்து விட்டு, அவர்களே விதிகள் மீறும் போதும் எங்களை போன்று விதிகளை மதித்து நடப்பவர்களுக்கு பாதிப்பை ஏற்படுத்துவதாக கூறியுள்ளார்.
SOURCE : TAMIL.CINEBAR.IN