சார்பட்டா -2வுக்காக வெறித்தனமாக தயாராகும் ஆர்யா! வைரலாகும் வீடியோ

நடிகர் ஆர்யாவுக்கு மிகப்பெரிய வெற்றியை கொடுத்த திரைப்படங்களின் பட்டியலில் ‘சார்பட்டா பரம்பரை’ படம் இருக்கும் என்றே கூறலாம். இயக்குனர் பா.ரஞ்சித் இயக்கத்தில் வெளியான இந்த திரைப்படத்தில் ஆர்யாவுக்கு ஜோடியாக நடிகை துஷாரா விஜயன் நடித்து இருந்தார்.

மேலும், சஞ்சனா நடராஜன், ஆர்யா , ஜான் கொக்கன், சந்தோஷ் பிரதாப், பசுபதி, ஜான் விஜய், பிரியதர்ஷினி ராஜ்குமார், அனுபமா குமார், கலையரசன் உள்ளிட்ட பல பிரபலங்களும் படத்தில் முக்கியமான கதாபாத்திரங்களில் நடித்திருந்தார்கள். இந்த திரைப்படத்திற்கு இசையமைப்பாளர் சந்தோஷ் நாராயணன் இசையமைத்து இருந்தார்.

நிறைய பேர் கூட உறவில் இருந்தேன்! அதிர வைத்த அருவி பட நடிகை!

திரையரங்குகளில் வெளியாகவிருந்த கொரோனா பரவல் சமயத்தில் அமேசான் ப்ரைம்  ஓடிடியில் வெளியானது. ஓடிடியில் வெளியான இந்த படம் பெரிய அளவில் விமர்சனத்தை பெற்று ஹிட் ஆனது.  மிகப்பெரிய வெற்றியை பெற்று இருக்கும் நிலையில், முதல் பாகத்தின் வெற்றியை தொடர்ந்து இரண்டாவது பாகமும் விரைவில் உருவாகவுள்ளது. இதற்கான அதிகாரப்பூர்வ அறிவிப்பும் ஏற்கனவே வெளியாகியும்விட்டது.

இந்த நிலையில், சார்பட்டா பரம்பரை இரண்டாம் பாகத்திற்காக நடிகர் ஆர்யா தீவிரமான பாக்சிங் பயிற்சியில் ஈடுபடும் வீடியோ தற்போது வைரலாகி வருகிறது. சார்பட்டா பரம்பரை இரண்டாம் பாகத்திற்கான படப்பிடிப்பு விரைவில் தொடங்கப்படவுள்ள நிலையில், நடிகர் ஆர்யா சென்னை எம்.எம்.ஏ பயிற்சி வகுப்பிற்கு சென்று அங்கு பாக்சிங் பயிற்சியில் ஈடுபட்டு வருகிறார். அதற்கான விடியோவையும், ஆர்யா தனது எக்ஸ் வலைத்தள பக்கத்தில் வெளியிட்டுள்ளார்.

Wanna be mentally and physically strong.. #ChennaiMMA is the place ????????????????????#MrX #Sarpatta2 pic.twitter.com/5eWc529Xi1

— Arya (@arya_offl) January 30, 2024