என் நெஞ்சில் குடியிருக்கும்!! ரூட்டை மாற்றிய லியோ படக்குழு…வெளிநாட்டில் புரமோஷன் விழா!

லியோ திரைப்படத்தின் இசை வெளியீட்டு விழா ரத்தானது விஜய் ரசிகர்களை பெரிதும் சோகத்தில் ஆழ்த்தியது. அதனை ஈடுசெய்யும் வகையில், நேற்று வெளியான இப்படத்தின் ட்ரெய்லர் ரசிகர்களை குஷி படுத்தியுள்ளது.

மேலும், லியோ இசை வெளியீட்டு விழா நடக்கவில்லை என்பதால், விஜய் சொல்லும் குட்டி ஸ்டோரி காணொளி வீடியோ வெளியாகும் என தகவல் வெளியானது. இந்நிலையில், படத்துக்கான வெளிநாடு ப்ரோமோஷன் பணியின்போது, இந்த வீடியோவை வெளியிட இருப்பதாக சொல்லப்படுகிறது.

மேலும், அந்த ப்ரோமோஷன் துபாயில் நடைபெற இருப்பதாக கூறப்படுகிறது. விரைவில் இதுகுறித்த அறிவிப்பு வெளியாகும். ஆனால், தளபதி விஜய் தளபதி 68 படப்பிடிப்பில் இருப்பதால், அவரால் இந்த ப்ரோமோஷன் நிகழ்வில் கலந்து கொள்ள முடியாது.

லியோ படத்துக்கான சிறப்பு காட்சிகளுக்கு அரசாங்கத்திடம் கோரிக்கை வைத்துள்ளதாகவும், உலகம் முழுவதும் கிட்டத்தட்ட 25000-30000 திரைகளில் இப்படம் வெளியாகிறது. இது சினிமாவின் புதிய சாதனை என பார்க்கப்படுகிறது.

இதற்கிடையில், லியோவுக்கு எதிர்பாராத ப்ரோமஷன் நிகழ்வுகள் நடந்து வருவதாகவும், மேலும் படத்தின் மூன்றாவது சிங்கிள் குடும்பப் பாடலாக இருக்கும் என்றும் அது அக்டோபர் 9 ஆம் தேதி (திங்கட்கிழமை) வெளியிடப்படும் என்று கூறப்படுகிறது.