வெறும் ரூ.6,000 பட்ஜெட்.. 4 ஜிபி ரேம்.. 4,000mAh பேட்டரி.! ஐடெல் A05s ஸ்மார்ட்போன் அறிமுகம்.!

சீன ஸ்மார்ட்போன் நிறுவனமான ஐடெல் (Itel), சமீபத்தில் A சீரிஸில் ஐடெல் A05s (Itel A05s) என்கிற ஸ்மார்ட்போனை இந்தியாவில் அறிமுகப்படுத்தியது. இதில் ஆரம்பத்தில் 2 ஜிபி ரேம் மற்றும் 32 ஜிபி இன்டெர்னல் ஸ்டோரேஜ் வேரியண்ட் மட்டுமே அறிமுகமானது. இப்போது ஐடெல் A05s போனின் 4 ஜிபி ரேம் + 64 ஜிபி ஸ்டோரேஜ் வேரியண்டை வெளியிட்டுள்ளது.

மேலும், இதில் ஆரம்பத்தில் அறிமுகப்படுத்தப்பட்ட ஐடெல் A05s இல் இருக்கக்கூடிய 5 எம்பி கேமரா அமைப்பிற்குப் பதிலாக, 8 எம்பி பின்புற கேமராவைக் கொண்டுள்ளது. கிரிஸ்டல் ப்ளூ, குளோரியஸ் ஆரஞ்சு, மெடோ க்ரீன் மற்றும் நெபுலா பிளாக் ஆகிய  நான்கு வெவ்வேறு வண்ணங்களில் உள்ளது.

இந்தியாவில் அறிமுகமாகிறது Lava Yuva 3 Pro.! எப்போது தெரியுமா.?

இதில் 4G LTE, ப்ளூடூத், 3.5மிமீ ஆடியோ ஜாக் மற்றும் யுஎஸ்பி டைப்-சி போர்ட் ஆகியவை அடங்கும். இதன் பின்புறத்தில் பொருத்தப்பட்ட ஃபிங்கர் பிரிண்ட் சென்சார் மற்றும் ஃபேஸ் அன்லாக் அம்சம் உள்ளது. இதன் ஸ்டோரேஜை 1 டிபி வரை உயர்த்த முடியும். பயன்படுத்தப்படாத ஸ்டோரேஜை பயன்படுத்தி ரேமை கிட்டத்தட்ட 8 ஜிபி வரை விரிவாக்க முடியும்.

புதிய ஐடெல் A05s அம்சங்கள்

• 6.6 இன்ச் எச்டி+ டிஸ்பிளே, 1600 x 720 பிக்சல் ரெசல்யூஷன், 60Hz ரெஃப்ரெஷ் ரேட்
• யூனிசோக் ஆக்டா கோர் பிராஸசர்
• 8 எம்பி ரியர் கேமரா
• 5 எம்பி செல்ஃபி கேமரா
• 4,000mAh பேட்டரி
• 4 ஜிபி ரேம்
• 64 ஜிபி ஸ்டோரேஜ்
• ஆண்ட்ராய்டு 13 கோ எடிஷன் ஓஎஸ்

ஐடெல் A05s இன் 2 ஜிபி ரேம் வேரியண்ட் இந்தியாவில் ரூ.6,499 என்ற விலையில் வெளியிடப்பட்டது. ஆனால் புதிய 4ஜிபி ரேம் வேரியண்ட் இப்போது ரூ.6,099 என குறைந்த விலையில் அறிமுகப்படுத்தப்பட்டுள்ளது. இந்த புதிய வேரியண்ட் இந்தியாவில் உள்ள முக்கிய சில்லறை விற்பனை நிலையங்களில் கிடைக்கிறது.