50 எம்பி டிரிபிள் கேமரா..ஸ்னாப்டிராகன் 8 ஜென் 3 பிராசஸர்..5,400mAh பேட்டரி.! ரியல்மீயின் புதிய ஜிடி 5 ப்ரோ..!

Realme GT 5 Pro:11 சீரிஸ் மற்றும் நர்சோ மாடல்களில் கவனம் செலுத்திவந்த ரியல்மீ நிறுவனம் அதன் ஜிடி சீரிஸில் அட்டகாசமான ஒரு புதிய ஸ்மார்ட்போனை அறிமுகப்படுத்த தயாராகி வருகிறது. அதன்படி, ரியல்மீ ஜிடி 5 ப்ரோ (Realme GT5 Pro) என்ற போனை இந்த ஆண்டின் இறுதிக்குள் அறிமுகம் செய்ய உள்ளது.

இதனை ரியல்மீ நிறுவனமே தனது எக்ஸ் பக்கத்தில் புகைப்படம் ஒன்றைப் பகிர்ந்து உறுதிசெய்தது. முன்னதாக இந்த போனின் உறுதிப்படுத்தப்படாத விவரங்கள் ஆன்லைனில் கசிந்தன. இப்போது ஜிடி 5 ப்ரோவின் அம்சங்கள் சீன தொலைத்தொடர்பு ஆணையமான டிஇஎன்ஏஏ தளத்தில் வெளிவந்துள்ளது.

Xiaomi 14 Series: 16 ஜிபி ரேம்..50 எம்பி டிரிபிள் கேமரா..90w ஹைப்பர்சார்ஜ்.! அறிமுகத்தில் மிரட்டும் சியோமி..!

டிஸ்பிளே

இந்த போனில் 2780 × 1264 (1.5K) பிக்சல்கள் ரெசல்யூஷன் கொண்ட 6.78 இன்ச் (17.12 செ.மீ) எஃப்எச்டி+ அமோலெட் கர்வ்டு டிஸ்பிளேவைக் கொண்டிருக்கலாம். இந்த டிஸ்பிளே 120 ஹெர்ட்ஸ் முதல் 144 ஹெர்ட்ஸ் வரையிலான ரெஃப்ரெஷ் ரேட் மற்றும் 180 ஹெர்ட்ஸ் டச் சம்ப்ளிங் ரேட்டைக் கொண்டிருக்கலாம்.

அதோடு இன்-டிஸ்ப்ளே பிங்கர் பிரிண்ட் ஸ்கேனர் மற்றும் ஐபி68 ரேட்டிங்க்குடன் வரலாம். கடந்த ஆகஸ்ட் மாதம் ரியல்மீ ஜிடி 5 ஸ்மார்ட்போன் கிட்டத்தட்ட ரூ.43,700 என்ற விலையில் சீனாவில் அறிமுகமானது. அதில் இருக்கும் டிஸ்பிளே 1.5K ரெசல்யூஷன் மற்றும் 144 ஹெர்ட்ஸ் ரெஃப்ரெஷ் ரேட்டைக் கொண்டுள்ளது.

பிராசஸர்

ரியல்மீ ஜிடி 5 ப்ரோவில் அட்ரினோ 740 ஜிபியு உடன் இணைக்கப்பட்ட புதிய குவால்காம் ஸ்னாப்டிராகன் 8 ஜென் 3 சிப்செட் பொருத்தப்பட்டுள்ளது. இந்த தகவலை ரியல்மீ நிறுவனமே உறுதிப்படுத்தியுள்ளது.

ரூ.5,000 தள்ளுபடி..ரூ.9,000 எக்ஸ்சேஞ்ச் போனஸ்.! முதல் விற்பனைக்கு களமிறங்கிய ஒன்பிளஸ் ஓபன்.!

அதோடு, இதில் ஆண்ட்ராய்டு 14 அடிப்படையிலான ரியல்மீ யுஐ 5 வரலாம். ரியல்மீ ஜிடி 5 போனில் அட்ரினோ 740 ஜிபியு உடன் இணைக்கப்பட்ட குவால்காம் ஸ்னாப்டிராகன் 8 ஜென் 2 சிப்செட் உள்ளது.

கேமரா

இந்த ஸ்மார்ட்போனின் பின்புறத்தில் மூன்று கேமராக்கள் கொண்ட டிரிபிள் ரியர் கேமரா அமைப்பு உள்ளது. இதில் ஆப்டிகல் இமேஜ் ஸ்டெபிலைசேஷனுடன் (OIS) கூடிய IMX966 சென்சார் கொண்ட 50 எம்பி மெயின் கேமரா, 3x ஆப்டிகல் ஜூம் உடன் கூடிய 50 எம்பி IMX890 சென்சார் கொண்ட டெலிஃபோட்டோ பெரிஸ்கோப் கேமரா மற்றும் 8 எம்பி IMX581 சென்சார் கொண்ட அல்ட்ரா வைட் கேமரா ஆகியவை அடங்கும். முன்புறத்தில் செல்ஃபிக்காக 32 எம்பி கேமரா பொறுத்தப்படலாம்.

பேட்டரி

இத்தகைய அம்சங்களுடன் 220 கிராம் எடையுள்ள ரியல்மீ ஜிடி 5 ப்ரோவை அதிக நேரம் பயன்படுத்த 5,400 mAh பேட்டரி பொருத்தப்படலாம். இதனை வேகமாக சார்ஜ் செய்ய டைப்-சி போர்டுடன் கூடிய 100 வாட்ஸ் வயர்டு ஃபாஸ்ட் சார்ஜிங் வசதி உள்ளது. அதோடு 50 வாட்ஸ் கொண்ட வயர்லெஸ் ஃபாஸ்ட் சார்ஜிங் வசதியுடன் வரலாம்.

ப்ரீமியம் ஃபினிஷ்..24 ஜிபி ரேம்..ஸ்னாப்டிராகன் 8 ஜென் 3 பிராசஸர்..! ரியல்மீ ஜிடி சீரிஸில் புதிய வரவு.!

ஸ்டோரேஜ்  மற்றும் விலை

ரியல்மீ ஜிடி 5 ப்ரோ ஆனது 8 ஜிபி, 12 ஜிபி, 16 ஜிபி வரையிலான எல்பிடிடிஆர்5எக்ஸ் ரேம் மற்றும் 128 ஜிபி, 256 ஜிபி, 512 ஜிபி மற்றும் 1 டிபி வரையிலான யுஎஃப்என் 4.0 இன்டெர்னல் ஸ்டோரேஜுடன் வரலாம். இந்தியாவில் வெளியாகவுள்ள இந்த ரியல்மீ ஜிடி 5 ப்ரோ நவம்பர் மாத இறுதியில் சீனாவில் 4,000 யுவான் (ரூ.45,823) என்ற விலையில் அறிமுகம் செய்யப்படலாம். பிறகு 2024 ஆம் ஆண்டின் தொடக்கத்தில் உலக சந்தைகளில் அறிமுகம் செய்யப்படும் என்று எதிர்பார்க்கப்படுகிறது.