கர்நாடகாவில் உள்ள 15 தொகுதிகளில் இன்று இடைத்தேர்தல் நடைபெற்று வருகிறது. 17 எம்எல்ஏக்கள் தகுதி நீக்கம் செய்யயப்பட்ட நிலையில் 15 தொகுதிகளுக்கு தேர்தல் ஆணையம் தேர்தலை அறிவித்தது.இதற்கான வாக்குபதிவு தொடங்கியுள்ளது.மொத்தம் 165 வேட்பாளர்கள் போட்டியிடுகின்றனர். காலை 7 மணிக்கு தொடங்கிய வாக்குப்பதிவு மாலை 6 மணிக்கு நிறைவடைகிறது .மொத்தமுள்ள 4,185 வாக்குச் சாவடிகளில் 884 வாக்குச்சாவடிகள் பதற்றமானவையாக அறிவிக்கப்பட்டு உள்ளது.இதனால் அங்கு  கூடுதல் பாதுகாப்பு அளிக்கப்பட்டுள்ளது.இந்த தேர்தலில் பதிவாகும் வாக்குகள் வருகின்ற 9-ஆம் தேதி எண்ணப்படுகின்றது.

கர்நாடகாவில் காலியாக இருக்கும் 17 தொகுதிகளில் 15 தொகுதிகளுக்கு அக்டோபர் 21-ம் தேதி தேர்தல் நடைபெறும் என தேர்தல் ஆணையம் அறிவித்தது.ஆனால் உச்சநீதிமன்றத்தில் தகுதி நீக்க எம்எல்ஏக்கள் தொடர்பான வழக்கு விசாரணை நடைபெற்ற  நிலையில் தேர்தலை ஒத்திவைக்க கோரிக்கை விடுக்கப்பட்டது.இதனை ஏற்ற தேர்தல் ஆணையம் தேர்தலை தற்காலிகமாக ஒத்திவைப்பதாக அறிவித்தது.பின்னர் 15 தொகுதிகளுக்கான இடைத்தேர்தல் டிசம்பர் 5-ஆம் தேதி நடைபெறும் என தேர்தல் ஆணையம் அறிவிப்பு வெளியிட்டது.ஆனால் இன்னும் இரண்டு தொகுதிகளுக்கு தேதி அறிவிக்கப்படவில்லை. இந்த நிலையில் […]