டெல்லி :பிரபல WWE மல்யுத்த வீரரும் ஹாலிவுட் நடிகருமான ஜான் சீனா, தனது கடைசி போட்டியில் தோல்வியடைந்து WWE ரிங்கில் இருந்து ஓய்வு பெற்றார். கடந்த ஆண்டே தனது ஓய்வு குறித்து அறிவித்திருந்த அவர், இந்த முடிவை உறுதிப்படுத்தினார். 90-களில் வளர்ந்த குழந்தைகளுக்கு WWE நிகழ்ச்சி மறக்க முடியாத நினைவு. அந்தக் காலத்தில் ஜான் சீனாவின் என்ட்ரி, அவரது தனித்துவமான சண்டைப் பாணி, பின்னணி இசை ஆகியவை ரசிகர்களை வெகுவாகக் கவர்ந்தன. அவரது ரிங்டோன் பலரது மொபைலில் ஒலித்தது.
2002-ஆம் ஆண்டு WWE-யில் அறிமுகமான ஜான் சீனா, தி ராக், ட்ரிபிள் ஹெச், ரேண்டி ஆர்ட்டன், தி அண்டர்டேக்கர் போன்ற ஜாம்பவான்களுடன் மோதியுள்ளார். 16 முறை உலக சாம்பியன் பட்டத்தை வென்று சாதனை படைத்தவர். அவரது “You Can’t See Me” ஸ்டைல் உலக அளவில் ரசிகர்களை ஈர்த்தது. WWE-யில் 20 ஆண்டுகளுக்கும் மேல் ஆதிக்கம் செலுத்திய சீனா, ரசிகர்களின் “சூப்பர் ஸ்டார்” ஆனார்.
கடைசி போட்டியில் தோல்வியடைந்த போதிலும், சீனாவின் ஓய்வு ரசிகர்களை உணர்வுப்பூர்வமாகப் பாதித்தது. ரிங்கில் விடைபெற்ற அவர், ரசிகர்களுக்கு நன்றி தெரிவித்தார். WWE வரலாற்றில் அழியாத இடம் பிடித்த சீனா, மல்யுத்த உலகிற்கு பெரிய இழப்பு என்று ரசிகர்கள் கருதுகின்றனர்.மல்யுத்தம் தவிர, ஹாலிவுட்டில் ‘தி சூசைட் ஸ்குவாட்’, ‘ஃபாஸ்ட் & ஃப்யூரியஸ்’ தொடர், ‘பீஸ்மேக்கர்’ வெப் தொடர் போன்றவற்றில் நடித்து வெற்றி பெற்றார்.
நடிப்பில் தொடர்ந்து பயணிக்கும் சீனா, ரசிகர்களுக்கு புதிய ஆச்சரியங்களை அளிப்பார் என்று எதிர்பார்க்கப்படுகிறது.ஜான் சீனாவின் ஓய்வு WWE ரசிகர்களுக்கு மறக்க முடியாத தருணம். அவரது தைரியம், உழைப்பு, ரசிகர் அன்பு ஆகியவை இளைஞர்களுக்கு உத்வேகம். உலக அளவில் ரசிகர் பட்டாளம் கொண்ட சீனா, எப்போதும் “சூப்பர் ஸ்டார்” ஆகவே இருப்பார்.