வீராத் கோலி, டிவில்லியர்ஸ் அதிரடி: ஒருவழியாக முதல் வெற்றியை பதிவு செய்த பெங்களூரு

ராயல் சாலஞ்சர்ஸ் பெங்களூரு மற்றும் கிங்ஸ் லெவன் பஞ்சாப் அணிகள் இடையேயான போட்டியில் பெங்களூரு அணி 8 விக்கெட் வித்தியாசத்தில் வெற்றி பெற்றுள்ளது. இந்த போட்டியில் முதலில் பேட்டிங் செய்த கிங்ஸ் லெவன் பஞ்சாப் அணி கெய்ல் அடித்த 99 ரன்களில் உதவியுடன் 20 ஓவர்களின் முடிவில் 173 ரன்கள் குவித்தது.

இதனையடுத்து கடினமான இலக்குடன் களமிறங்கிய பெங்களூரு அணி துவக்கம் முதலே அற்புதமாக ஆடியது. பர்த்திவ் 19 ரன்களில் ஆட்டமிழக்க அதன் பின்னர் வந்த விராட் கோலி மற்றும் ஏபி டி வில்லியர்ஸ் ஆகியோர் அற்புதமாக ஆடினர். விராட் கோலி 67 ரன்களும் டிவில்லியர்ஸ் 59 ரன்களும் விளாசினர். 19.2 ஓவர்களில் 2 விக்கெட் மட்டுமே 174 ரன் எடுத்து பெங்களூரு அணி வெற்றி பெற்றுள்ளது .இதன் மூலம் தொடர்ச்சியாக 6 போட்டிகளில் தோல்வி அடைந்து தனது ஏழாவது போட்டியில் வெற்றி பெற்றுள்ளது பெங்களூரு அணி.