நான் திரும்ப வந்துட்டேன்! காயத்தில் இருந்து மீண்ட சுப்மன் கில்!

இந்திய கிரிக்கெட் அணியின் டெஸ்ட் மற்றும் ஒருநாள் கேப்டன் சுப்மன் கில், காயத்தில் இருந்து மீண்டு வந்து உள்ளூர் கிரிக்கெட்டில் திரும்ப உள்ளார். விஜய் ஹசாரே டிராபி குரூப் ஸ்டேஜ் போட்டிகளில் பஞ்சாப் அணிக்காக விளையாட உள்ள அவர், ஜனவரி 3-ஆம் தேதி , ஜனவரி 6-ஆம் தேதி கோவா அணிகளுக்கு எதிரான போட்டிகளில் கலந்துகொள்வார் என்று பஞ்சாப் கிரிக்கெட் சங்கம் (PCA) உறுதிப்படுத்தியுள்ளது.

சுப்மன் கில் சமீபத்தில் இந்திய டி20 உலகக் கோப்பை அணியில் இருந்து நீக்கப்பட்டார். அதற்கு முன்பு தென்னாப்ரிக்கா தொடரில் கால் எலும்பு முறிவு மற்றும் கழுத்து காயம் காரணமாக விளையாடவில்லை. இப்போது காயத்தில் இருந்து முழுமையாக மீண்டு வந்த அவர், மொஹாலியில் தீவிர பயிற்சி செய்து வருகிறார். பஞ்சாப் அணிக்காக விளையாடுவது அவரது மேட்ச் ஃபிட்னஸையும் ஃபார்மையும் மீட்டெடுக்க உதவும் என்று எதிர்பார்க்கப்படுகிறது.

பஞ்சாப் அணி விஜய் ஹசாரே டிராபியில் வலுவான தொடக்கத்தை பெற்றுள்ளது. மகாராஷ்டிரா மற்றும் சத்தீஸ்கர் அணிகளை வென்று இரு போட்டிகளிலும் வெற்றி பெற்றுள்ளது. சுப்மன் கில்லின் வருகை அணியின் பேட்டிங்கை மேலும் வலுப்படுத்தும் என்று அணி நிர்வாகம் நம்பிக்கை தெரிவித்துள்ளது. அவரது அனுபவமும் திறமையும் அணிக்கு பெரும் உத்வேகத்தை அளிக்கும்.சுப்மன் கில் ஜனவரி 1-ஆம் தேதி ஜெய்ப்பூரில் அணியுடன் இணைவார்.

மும்பைக்கு எதிரான இறுதி குரூப் போட்டியில் விளையாட விருப்பம் தெரிவித்துள்ள போதிலும், நியூசிலாந்துக்கு எதிரான இந்திய தொடருக்கான பிசிசிஐ முகாம் திட்டம் அதை பாதிக்கலாம். இந்தியா ஜனவரி 11 முதல் நியூசிலாந்துடன் விளையாட உள்ளது.சுப்மன் கில்லின் வருகை பஞ்சாப் அணிக்கு பெரும் உத்வேகத்தை அளிக்கும் என்று ரசிகர்களும் அணி நிர்வாகமும் எதிர்பார்க்கின்றனர். தேசிய அணி பணிக்கு முன்பு உள்ளூர் போட்டிகளில் விளையாட வேண்டும் என்ற பிசிசிஐ விதிப்படி அவர் பங்கேற்க உள்ளார். இது அவரது ஃபார்மை மீட்டெடுக்கவும், தேசிய அணிக்கு தயாராகவும் உதவும் என்று கிரிக்கெட் வட்டாரங்கள் கருதுகின்றனர்.